Lokali
Il-Kumitat għad-Drittijiet ta’ Persuni b’Diżabbiltà tal-Ġnus Magħquda b’kummenti pożittivi għal Malta

Malta kienet taħt il-lenti tan-Nazzjonijiet Magħquda biex tgħaddi mill-għarbiel dwar kif twettaq il-konvenzjoni tan-Nazzjonijiet Magħquda dwar id-Drittijiet ta’ Persuni b’Diżabbiltà. Magħrufa bħala artiklu 12, din il-konvenzjoni telenka d-drittijiet u l-integrazzjoni fis-soċjetà tal-persuni b’diżabiltà.

Għall-ewwel darba, f’Ġinevra Malta ħadet sehem fl-20 Sessjoni tal-Kumitat għad-Drittijiet ta’ Persuni b’Diżabbiltà tal-Nazzjonijiet Magħquda, bi djalogu pubbliku kif mitlub mill-Konvenzjoni tan-Nazzjonijiet Magħquda dwar id-Drittijiet tal-Persuni b’Diżabbiltà. Il-mistoqsijiet imressqa mill-Kumitat lir-rappreżentanti tad-Delegazzjoni Maltija kienu jolqtu diversi aspetti ta’ drittijiet umani, fosthom inklużjoni fl-edukazzjoni u l-impjieg, proviżjoni ta’ servizzi, aċċessibilità, dritt għall-awtonomija personali u għall-ħajja indipendenti, l-integrazzjoni fil-komunità, u parteċipazzjoni soċjali u politika dwar il-persuni b’diżabilità.

Il-konsulent tas-Segretarjat Parlamentari għall-Persuni b’Diżabbiltà, Dr Alistair De Gaetano qal li d-delegazzjoni kienet pożittivament sorpriża tisma’ kemm Malta għamlet avvanżi f’dan il-qasam u kemm f’ċerti oqsma hija mudell għall-pajjiżi oħra.

Dr Alistair Degaetano qal “wara anke ġew membri tal-Kumitat li mhux biss ferħulna imma talbuna bħal pereżempju fejn tidħol l-interpretazzjoni tal-Braille, qalulna kemm għandkom mudell tajjeb u nixtiequ nużaw il-mudell li żviluppat Malta.

Id-domandi għall-mistoqsijiet imressqa quddiem il-Gvern Malti, ġew preżentati anke bil-braille, il-lingwa universali għall-għomja. Dr Degaetanoa qal li anke ntwera interess biex ċerti innovazzjonijiet li ġew implimentati f’Malta, bħas-sistema ta’ poloz tal-votazzjoni għal persuni neqsin mid-dawl, jiġu adottati f’pajjiżi oħra.

Iċ-Chairperson tal-Kumitat tan-Nazzjonijiet Magħquda Theresa Degener dehret sodisfatta bil-preżentazzjoni li għamlet id-delegazzjoni Maltija.

Theresa Degener qalet “this has been a very constructive dialogue with the government of Malta. We’ve received a lot of information and we’re looking very much forward how you implement article 12 in your country.”

Fit-tweġibiet tagħhom ir-rappreżentanti Maltin spjegaw kif il-Gvern qiegħed jinforża aktar il-liġi kontra d-diskriminazzjoni bl-introduzzjoni ta’ numru ta’ inċentivi għal ħaddiema b’diżabilità u għal min iħaddem, bħalma huma miżuri kemm ta’ formazzjoni kif ukoll fiskali.

Aħbarijiet Oħra
Lokali

Fiż-Żejtun, il-Pulizija mit-Taqsima ta’ Kontra d-Droga, bl-assistenza tal-RIU, sabu 5 blokok allegatament tar-raża tal-kannabis. Żewġt irġiel, wieħed ta’ 39 sena residenti Raħal Ġdid u ieħor ta’ 56 sena minn Marsaskala,…

Statistika

Iż-żieda fil-ħaddiema barranin f’Malta qed tirrifletti ruħha fl-ammonti ta’ flus li jintbagħtu f’pajjiżhom. Ċifri tal-Eurostat juru li s-sena l-oħra, l-ħaddiema barranin f’Malta bagħtu €61 miljun f’pajjiżhom. Fl-istess waqt, il-ħaddiema Maltin…

Lokali

Ilu jperper fuq il-bandiera Maltija iktar minn 70 sena. Għal uħud huwa simbolu li jagħmilhom kburin. Għal oħrajn ma jfisser xejn u għandu jitneħħa. Dan huwa l-George Cross li matul…

Politika

Il-Partit Demokratiku ħabbar it-tieni kandidat għall-elezzjonijiet tal-2019 tal-Parlament Ewropew. Dan huwa Martin Cauchi Inglott, li attwalment qed iservi bħala Segretarju Ġenerali tal-PD, wara li ġie appuntat f’din il-kariga x-xahar li għadda….

Aktar