Infrastruttura
Il-Kummisjoni Ambjentali tal-Knisja tipproponi reġistru tal-operaturi fil-kostruzzjoni

Il-Kummissjoni tal-knisja dwar l-Ambjent qalet li r-regolamenti proposti dwar l-industrija tal-bini għandhom jiżguraw is-sigurtà tal-pubbliku. Fi stqarrija l-għada li għalqet il-konsultazzjoni pubblika dwar dawn ir-regolamenti, il-Kummissjoni qalet, fost oħrajn, li għandu jkun hemm reġistru ta’ dawk kollha li joffru servizz fil-kostruzzjoni ħalli jkun jista jigi żgurat li x-xogħol isir minn nies liċenzjati f’dawn is-snajja’.

Il-Kummissjoni fakkret fit-traġedja tal-2004 meta żewp nisa tilfu ħajjithom wara li ġġarraf bini f’San Pawl il-Baħar, u qalet li f’14-il sena ħadd m’għadu tgħallem u l-ibliet u l-irħula għadhom isofru minn sitwazzjonijiet mhux aċċettabli, meta n-nies għandhom dritt igawdu l-propjetà tagħhom mingħajr il-biża’ li se jispiċċa vittma f’inċidenti ta’ kostruzzjoni.

Il-Kummissjoni laqgħet it-twaqqif tal-Awtorità tal-Bini u l-Kostruzzjoni, iżda lmentat li ħamest ijiem għall-konsultazzjoni pubblika kien perjodu qasir, li skont hi jqajmu dubji dwar l-effettività tar-regolamenti proposti. Ħeġġet għal diskussjoni usa’ fuq l-effett tal-bini fuq proprjetà ta’ terzi u l-użu tal-materjali fil-bini.

Aħbarijiet Oħra
Temp

L-Uffiċċju Metereoloġiku fl-Ajruport Internazzjonali ta’ Malta qed iwissi b’riħ qawwi sal-lejla. Ir-riħ mill-Majjistral it-Tramuntana ser ikun qawwi fuq il-Gżejjer Maltin. Din it-twissija tibqa’ fis-seħħ sal-11pm.

Lokali

F’konferenza stampa l-Ministru tal-Ġustizzja Owen Bonnici ħabbar li fit-tmintax ta’ Diċembru se jiġi separat l-irwol tal-Avukat Ġenerali hekk kif Dr. Victoria Buttigieg se tibda r-rwol ġdid tagħha bħala l-ewwel avukat…

Qorti

Raġel ta’ 31 sena miż-Żurrieq ġie ordnat iħallas kumpens t’iktar minn €114,000 wara li nstab responsabbli għall-mewt ta’ tifla ta’ 10 snin f’inċident tat-traffiku. L-inċident seħħ f’Lulju tal-2010 fi Triq…

Lokali

L-Għaqda Mużikali Sant’Andrija ta’ Ħal Luqa f’dawn il-jiem kellha l-privileġġ li tesebixxi ħiliet artistiċi ta’ membri tagħha f’Ruma u fil-Vatikan. Bandisti jdoqqu marċi u għanjiet tal-Milied fi Pjazza San Pietru…

Aktar