Unjoni Ewropea
Il-Kummissarju Karmenu Vella jirċievi premju għall-ħidma fl-ekonomija ċirkolari

F’isem il-Kummissjoni Ewropea, il-Kummissarju Ewropew Karmenu Vella rċieva premju għall-ħidma fl-ekonomija ċirkolari.

Il-Kummissarju Vella ngħata dan il-premju lbieraħ filgħaxija f’Davos mingħand il-Forum Ekonomiku Dinji  u l-Forum Globali tal-Mexxejja Żgħażagħ għax-xogħol biex titħaffef it-tranżizzjoni lejn ekonomija ċirkolari li tħares l-ambjent u t-tnaqqas il-gassijiet tal-effett serra, waqt li żżid l-opportunitajiet ta’ xogħol, tkabbir u investiment.

F’diskorstal-okkażjoni, il-Kummissarju Vella qal li dan il-premju jirrifletti r-realizzazzjoni li r-riżorsi tad-dinja mhumiex infiniti, filwaqt li esprima t-tama li kulħadd japprezza dan il-mod ġdid kif inħarsu lejn ir-riżorsi naturali.

Kien fl-2015 li l-Kummissjoni stabbiliet strateġija li ddaħħal miżuri li jkopru l-proċess sħiħ tal-prodotti u l-materjali, mill-produzzjoni sal-konsum, sal-immaniġjar tal-iskart u l-użu mill-ġdid tiegħu bħala materja prima sekondarja.

Il-miżuri jindirizzaw ukoll it-tibdil fil-klima bl-iffrankar tal-enerġija u t-tnaqqis tal-emmissjonijiet, kif ukoll l-ewwel strateġija Ewropea dwar il-plastik.

S’issa l-Kummissjoni wettqet iktar minn 90% mill-54 pjan ta’ azzjoni.

Aħbarijiet Oħra
Lokali

Fl-okkażjoni tal-Jum Dinji tal-Psikoloġija, għall-ewwel darba d-dipartiment tal-psikoloġija fi ħdan il-Ministeru tas-Saħħa fakkar il-Jum Dinji tal-Psikoloġija biex jikber l-għarfien dwar is-servizzi li qed joffri lill-komunità. Is-sena li għaddiet, iżjed minn…

Lokali

Mas-6,000 ħaddiem se jingħataw kumpens għall-anomaliji u inġustizzji li sofrew matul iż-żmien. Il-Ministri Edward Scicluna u Michael Falzon qalu li dawn il-ħaddiema ser jingħataw bejniethom €11-il miljun fi skema li…

Lokali

Il-familji residenti fil-bini li ġġarraf il-lejl li għadda fi Gwardamanġa u l-ġirien tagħhom jinsabu ttrawmattizzati, li minħabba dak li ġara spiċċaw b’ta’ fuqhom senduqhom. Huma esprimew rabja kbira għaliex qalu…

Trasport

Fil-ġimgħat li ġejjin se jibdew xogħlijiet fil-venda tal-karozzi tal-linja fil-foss ta’ San Ġakbu għal titjib fil-faċilitajiet għal passiġġieri. Il-Ministru għat-Trasport Ian Borg qal li dan l-proġett ser jiswa €400,000 u…

Aktar