Politika
Il-Kummissjoni Elettorali naqset li tqassam il-vot lil 440 persuna – il-PN

Is-Segretarju Ġenerali tal-Partit Nazzjonalista Clyde Puli qal li l-Kummissjoni Elettorali naqset li tqassam il-vot lil 440 persuna u naqset li tagħti rimedju għal dan. Qal li minn dawn l-440 persuna, 100 ngħataw id-dokument tal-vot għall-Parlament Ewropew biss u 300 ngħataw il-vot tal-Kunsilli Lokali.

Is-Sur Puli qal li l-ironija hi li l-Kummissjoni Elettorali sabet il-ħin li, kontra dak li jsir is-soltu, bagħtet il-Pulizija biex tiġbor il-vot ta’ 160 persuna li se jivvutaw barra minn Malta u talbet lil xi ħadd tal-familja jiddikjara f’isimhom li veru li se jivvutaw barra.

Id-Deputat Karol Aquilina qal li l-liġi tgħid li hu l-obbligu tal-Kummissjoni li bil-Pulizija ddur bieb bieb u tqassam id-dokumenti tal-voti. Qal li dan ma sarx bl-istess ħeġġa tas-soltu. Qal li huwa l-obbligu tal-Kummissjoni li tirrimedja. Dr Aquilina qal li l-Partit Nazzjonalista kiteb lill-Kummissjoni li min-naħa tagħha qalet li ma kienx possibbli toffri rimedju għal dawn l-440 persuna li baqgħu bla vot.

Aħbarijiet Oħra
Edukazzjoni

Il-Union tal-Edukaturi Professjonisti, UPE qalet li l-Kunsill tal-Għalliema, iddeċieda li mis-sena skolastika li ġejja, l-għalliema kollha li se japplikaw għall-warrant ser ikollhom jippreżentaw il-fedina penali tagħhom maħruġa fl-aħħar xahar, flok iċ-ċertifikat…

Lokali

It-tifkira ta’ Lassana Cisse Souleymane, li kienet tpoġġiet fil-post fejn inqatel ġiet ivvandalizzata. Huwa kien inqatel kiesaħ u biered fit-triq li tagħti bejn Ħal Far u Birżebbuġa nhar is-6 t’April. B’rabta…

Lokali

Heritage Malta, flimkien mas-Sovritendenza tal-Patrimonju Kulturali Malti u l-Università ta’ Macquarie, f’Sydney l-Awstralja, qed iħabbru l-bidu ta’ proġett internazzjonali u interdixxiplinarju li jinvolvi l-istudju tal-kranji umani li nstabu ġewwa l-Ipoġew…

Aktar