Barranin
Daqshekk il-famuż Big Mac?

Il-kumpanija ferm popolari tal-fast food, McDonald’s, tilfet it-trademark tal-Big Mac f’battalja legali ma’ kompetitur Irlandiż.

Fil-Qorti, il-Kumpanija Irlandiża Supermac tkellmet dwar kif il-kumpanija Amerikana McDonald’s serqet it-trademark tagħhom. Pat McDonagh, il-fundatur ta’ Supermac, qal ukoll kif, kawża t’hekk, il-kumpanija Amerikana qatt ma ppermettiet lil Supermac jidħol fi swieq differenti.

Skont McDonagh, il-kumpanija ewlenija tal-fast food, hija esperta f’dak li sejjaħ ‘trademark bullying’.

Il-każ instema’ quddiem il-European Union Intellectual Property Office (EUIPO) fejn ġie mitlub biex il-McDonald’s ma jibqax juża t-trademark misruq ta’ ‘Big Mac’ u ‘Mc’.

Għal McDonagh din kienet rebħa storika għaliex kumpanija żgħira rnexxielha tirbaħ kawża lill-kumpanija ġganta.

Min-naħa l-oħra, il-McDonald’s qalet li beħsiebha tappella kontra d-deċiżjoni u qalet li t-trademark tal-BIG MAC tappartjeni lill-kumpanija Amerikana madwar l-Ewropa kollha.

Aħbarijiet Oħra
Barranin

Minn żmien għal żmien nisimgħu ħafna li nstabet xi tip ta’ kura għall-kanċer. Tim fl-Università ta’ Cardiff skopra li parti mis-sistema imunitarja tista’ tittratta l-kanċer. Ir-riċerka, li ġiet ippubblikata f’Nature…

Barranin

Fl-Ingilterra, studju ġdid qed jipproponi li anke irġiel mejta jistgħu jkunu donaturi tal-isperma hekk kif naqsu b’ħafna d-donaturi. Il-Journal of Medical Ethics jgħid li din il-proposta hija etika biżżejjed jekk…

Aktar