Saħħa
Il-kumpaniji tal-kannabis mediċinali m’għandhomx jitnaffru bid-deċiżjoni tal-BOV

Għalkemm l-awtoritajiet Maltin jistgħu iħossuhom frustrati li l-akbar bank f’Malta, il-Bank of Valletta, iddeċieda li ma jaħdimx ma’ kumpaniji fil-qasam tar-riċerka u l-produzzjoni tal-mediċina tal-kannabis, il-Kap Eżekuttiv tal-Malta Enterprise, Kurt Farrugia, stqarr ma’ TVM li x-xogħol biex diversi kumpaniji minn dawn jiġu Malta mhux se jisfaxxa.

“Li nista’ ngħid għall-kummenti li ntqalu f’dawn l-aħħar jiem huwa li Hemm banek lokali li qegħdin jieħdu dan it-tip ta’ investiment li jgħaddi minn due diligence qawwi, u anke kull kUmpanija li topera Malta, hi fost l-aqwa u tgħaddi minn due diligence qawwi mill-Malta Enterprise qabel jiġu approvati. Apparti minn hekk dawn qed jirrikorru għal soluzzjonijiet Ewropej.”

Stħarriġ li għamel TVM juri li uħud mill-kumpaniji ewlenin fl-industrija tal-Kannabis Mediċinali mhux ikollhom problema fir-relazzjonijiet tagħhom ma’ banek ta’ reputazzjoni ewlenin Ewropej fosthom Barclays, l-UBS tal-Iżvizzera, in-Nova Banco tal-Portugall, u l-Bank Spanjol Santander.

Dan b’kuntrast mal-pożizzjoni li ħa dwar din l-industrija l-Bank of Valletta kif spjega l-Kap Eżekuttiv tal-Bank Mario Mallia fil-programm Dissett. “M’għandniex ħiliet neċessarji biex nifhmu dak il-business. Jekk inti ma tifhimx dak il-business, kif se tieħu riskji?”

Ma’ TVM il-Kap Eżekuttiv ta’ Malta Enterprise, Kurt Farrugia, sostna li xi banek għadhom mhux qed jinvestu ħinhom biżżejjed biex jifhmu dan l-investiment. “Jista’ jkun li hawn ċertu misconceptions u li xi banek għadhom mhux qed jinvestu ħinhom biżżejjed biex jifhmu dan l-investiment li qed nattiraw hawn Malta.”

Is-Sur Farrugia żied jgħid li ħafna banek Ewropej li għandhom relazzjoni bankarja ma’ dawn il-kumpaniji, qiegħdin taħt l-istess skrutinju tar-regolaturi iżda xorta mhumiex miżmuma milli jkollhom relazzjoni ma’ kumpaniji tal-mediċina tal-kannabis.

Aħbarijiet Oħra
Lokali

Il-Ministru għall-Intern, is-Sigurtà Nazzjonali u l-Infurzar tal-Liġi ħatar inkjesta skont il-liġi bil-għan li tistabilixxi l-fatti b’rabta ma’ każ fejn priġunier li ma ngħatax il-ħelsien mill-arrest, kien rilaxxat mill-ħabs u deher…

Lokali

Il-Maltapost qalet li l-ħidma tagħha għadha ma ġietx lura għan-normal riżultat fost l-oħrajn ta’ tnaqqis b’aktar min-nofs fit-titjirjiet kummerċjali, iż-żieda fix-xiri online u l-akkumulazzjoni ta’ posta f’tliet pajjiżi Ewropej. Il-Maltapost…

COVID-19

Tħassar ukoll il-kunċert ta’ Joseph Calleja li din is-sena kellu jsir fl-4 ta’ Settembru fuq il-Fosos tal-Furjana u li issa mistenni jsir f’format differenti. NnG Promotions, l-organizzaturi tal-kunċert li bħala…

Annimali

Ilbieraħ, il-BirdLife Malta ġabret għasfur pjuttost rari li huwa sottospeċi Mediterranja tal-Bies, li nstab ferut b’tiri ta’ senter fl-Għarb, Għawdex. Fi stqarrija, il-BirdLife qalet li l-għasfur instab minn familja li…

Aktar