Negozju
Il-kumpless Embassy se jagħlaq biex jinbidel fl-ikbar lukanda fil-Belt

Spazju ġdid għaċ-ċinema u l-ħwienet fl-Embassy

Il-kumpless Embassy fil-qalba tal-Belt se jagħlaq il-bibien tiegħu fi żmien 3 ġimgħat biex ikun jista’ jsir proġett biex jinbidel f’lukanda.  Fi stqarrija ntqal li x-xogħlijiet se jibdew mis-7 ta’ Jannar tas-sena d-dieħla u se tinżamm l-istess struttura biex minflok issir lukanda ta’ erba’ stilel b’81 kamra mifruxa fuq 6 sulari.

Huwa ppjanat li l-Embassy Valletta Hotel ikollha bitħa interna, pixxina u spazju għall-kollazzjon fuq il-bejt.  Il-bini se jżomm l-istess struttura ta’ barra, l-istess għoli, kif ukoll l-istess disinn tal-faċċata apparti miż-żieda ta’ numru ta’ twieqi. Id-daħla għal-lukanda se tkun minn Triq id-Dejqa.

Kif se tkun imqassma l-binja?

Se jkun hemm spazju għal xi ħwienet minn entraturi separati fil-livell tat-triq, filwaqt li se ssir sala ġdida tal-Bingo fil-livell t’isfel.  Se jinbnew ċinemas ġodda li minn fuq se jinżlu għal taħt il-livell tat-triq, bil-kumpanija tgħid li fl-2018 kienet l-aqwa sena fl-aħħar diċennju.  Skont id-diriġenti tal-proġett ix-xogħlijiet se jitlestew is-sena d-dieħla stess u huwa previst li dan ser ikun wieħed mill-akbar investimenti mis-settur privat fil-Belt fl-aħħar snin.

Fl-istqarrija, id-direttriċi maniġerjali tal-Embassy Bettina Azzopardi ġiet ikkwotata tgħid li l-kumpanija ddeċidiet li toħloq post modern hekk kif qed tiżdied it-talba għal aktar kmamar ta’ akkomodazzjoni fil-Belt u għal spazju kummerċjali.   Żiedet tgħid li l-proġett se jkun qed joffri wkoll opportunitajiet ġodda ta’ xogħol fis-settur turistiku u tad-divertiment.

L-istorja tal-Embassy

Il-binja tal-Embassy li ghandha madwar 850 metru kwadru kienet diġa tintuża bħala lukanda fis-seklu dsatax sakemm parti minnha kienet iġġarfet f’bombardament mill-ajru waqt it-tieni gwerra dinjija. Fis-snin ħamsin il-post kien inbena sabiex iservi bħala swali taċ-cinemas sakemm fl-1999 inbena l-kumpless tax-xiri u ċinema preżenti.

Aħbarijiet Oħra
Kisbiet

Iċ-Chairman tal-Public Broadcasting Services Limited, Cavaliere Dr Tonio Portughese ppreżenta d-DVDs tal-kunċert mill-Banda La Valette “La Sollevazione di Cristo” u l-intervista mal-Mro Joseph Sammut lill-President Jonathan Grima kif ukoll lis-Sindku…

Droga

16-il persuna, fosthom żewġ nisa, fl-etajiet ta’ bejn l-20 u l-55 sena, temmew programm ta’ rijabilitazzjoni mill-użu tad-droga u ħadu sehem f’ċerimonja ta’ gradwazzjoni li ċċelebrat is-suċċess tagħhom. Iċ-ċerimonja bit-tema…

Lokali

Il-Fondazzjoni Foodbank Lifeline tal-Knisja Metodista f’Malta qed tkompli tifrex il-ħidma tagħha bit-tqassim ta’ ikel lil familji fil-bżonn. Il-Fondazzjoni qalet li sal-aħħar tas-sena mistennija tgħin aktar minn 16,000 persuna bi spiża…

Kronaka

Ġuvni u tfajla weġġgħu gravi wara li tard lbieraħ kienu involuri f’inċident bil-karozza. Il-Pulizija kienet infurmata bil-każ fi Triq id-Daħla ta’ San Tumas f’Marsaskala għall-ħabta tal-11.00pm. Mill-ewwel stħarriġ tal-Pulizija tad-Distrett…

Aktar