Lokali
Il-Kunsill Lokali ta’ Ħaż-Żabbar kontra l-bini tal-McDonalds f’ODZ

Il-Kunsill Lokali ta’ Ħaż-Żabbar oppona u vvota kontra b’mod unanimu l-iżvilupp tal-bini ta’ ristorant ta’ McDonalds f’art ODZ fi Triq il-Labour, Ħaż-Żabbar.

Dan wara li tressqet mozzjoni mis-Sindku Marc Bella Bonnici li kienet appoġġjata mill-kunsilliera.

Il-ġimgħa li għaddiet saret laqgħa konsultattiva mar-residenti u laqgħat oħra ma’ stakeholders oħra.

Fi stqarrija, il-Kunsill qal li se jippreżenta l-oġġezzjoni tiegħu b’mod formali lill-Awtorità tal-Ippjanar.

Il-mozzjoni kienet ibbażata fuq diversi fatturi, fosthom li l-iżvilupp kien fil-biċċa l-kbira tiegħu propost fuq art ODZ, in-nuqqas ta’ studju dwar l-impatt tat-traffiku u l-problemi li dan iġib miegħu, parkeġġ mhux adekwat, problemi ta’ storbju u skart, kif ukoll li dan kien se jaffettwa art agrikola tajba u jnaqqas l-ammont ta’ siġar minn fuq is-sit.

Il-Kunsill qal li dan l-iżvilupp imur kontra l-pjan ta’ riġenerazzjoni propost mill-Gvern Ċentrali fl-akkwati, kif ukoll proġett ta’ rikreazzjoni għall-familji propost mill-Kunsill Lokali.

Mc_Donalds_objection

Aħbarijiet Oħra
Qorti

Eks-kuntistabbli tal-Pulizija, Jean Pierre Abdilla, li qed iservi sentenza ta’ 16-il sena ħabs fuq akkużi relatati mad-droga, ingħata €5,000 bħala kumpens morali mill-Qorti Ewropea tad-Drittijiet tal-Bniedem minħabba l-kundizzjonijiet xejn tajbin…

Saħħa

Il-President ta’ Malta Marie-Louise Coleiro Preca bdiet żjara fi sptarijiet f’Londra fejn pazjenti Maltin imorru għall-kura. B’kollox se żżur seba’ sptarijiet u tliet residenzi li fihom joqogħdu pazjenti u qrabathom….

Knisja Maltija

Pittura tal-Kardinal Malti Prospero Grech ingħaqdet mal-kollezzjoni tal-arti fil-Mużew tal-Katidral fl-Imdina. Il-pittura saret mill-artista Filippa Bianchi wara li studjat il-karattru tal-kardinal u semgħet mingħandu l-mod kif xtaq li tinħoloq ix-xbieha…

Unjoni Ewropea

Il-Kumitat tal-Parlament Ewropew dwar il-Kriminalità Finanzjajra u l-Evażjoni tat-Taxxa jrid li l-istati membri tal-Unjoni Ewropea jżarmaw il-programmi tagħhom li bihom jagħtu ċittadinanza jew residenza b’investiment. F’abbozz ta’ rapport imħejji mill-kumitat…

Aktar