Kultura
Il-Kunsilli mejgħuna biex iwettqu proġetti għall-ġid tal-annimali

Il-gvern se jgħin lill-Kunsilli Lokali b’għotjiet sa €8,000 biex iwettqu proġetti favur il-ħarsien tal-annimali fil-lokalità tagħhom. Fit-tnedija tal-fond li għalih qed ikunu allokati €120,000; is-Segretarju Parlamentari Clint Camilleri qal li din hija wegħda oħra elettorali li qed titwettaq.

“Waqqafna fond apposta, fejn il-kunsilli lokali tagħna ser ikunu jistgħu jressqu numru ta’ proġetti ‘l quddiem, fosthom dog parks, cat cafes, neutering campaigns, programmi wkoll edukattivi fil-lokalità tagħhom, sabiex inkompli nsaħħu l-animal welfare u l-idea tad-drittijiet tal-annimali ġewwa l-komunitajiet tagħna u nieħdu ħsieb ukoll l-istrays li għandna fl-irħula tagħna,” qal is-Segretarju Parlamentari.

Qal li dan il-fond qed jitwaqqaf fl-istess żmien li fil-Parlament għaddejja diskussjoni dwar emendi għall-abbozz dwar il-ħarsien tal-annimali. Semma li qed ikun propost, fost oħrajn, li jiżdiedu l-multi għall-moħqrija tal-annimali.

Is-Segretarju Parlamentari responsabbli mill-Kunsilli Lokali, Silvio Parnis, qal li l-Gvern jemmen fil-ħarsien tal-annimali f’kull livell u ħaseb għal dan anke fil-liġi li rriformat il-Kunsilli Lokali.

“Aħna ħassejna wkoll li f’din ir-riforma nieħdu ħsieb id-drittijiet tal-annimali u għaldaqstant ħadna ħsieb li b’liġi issa se jkollok kunsillier responsabbli mill-qasam fejn jidħlu l-annimali mir-responsabilitajiet li se jkollhom.”

L-applikazzjonijiet mill-Kunsilli Lokali biex jibbenefikaw minn dawn il-fondi, se jiġu proċessati minn kumitat li twaqqaf apposta.

Aħbarijiet Oħra
Annimali

Fis-Siġġiewi, instabu 8 żoni fejn kien qed isir l-insib illegalment. Dan qalitu l-CABS fi stqarrija u saħqet li dawn ix-xbieki li jitpoġġew taħt l-ilma kienu qed jintużaw għall-insib tal-Pispisella, iċ-Ċewċewwa…

Ambjent

Wara li lbieraħ Infrastructure Malta qalgħet siġar mejta fit-Telgħa tas-Saqqajja biex tagħmel il-wisa’ għal siġar ġodda, illum beda x-xogħol ta’ tħawwil. Dalgħodu TVM żar il-post u seta’ josserva l-kumplament tat-tneħħija…

Pulizija

Għall-ewwel darba sal-aħħar ta’ din is-sena, il-Korp tal-pulizija ser ikollu flotta ta’ vetturi ġodda fid-distretti. Il-Korp, illum inawgura ħamsin vettura ġdida u sitt segways li se jintużaw l-aktar fiż-żoni pedonali…

Aktar