Lokali
Il-Kuntistabbli li ttajjar ilbieraħ jaqleb għall-aħjar

Il-Kuntistabbli Simon Schembri li ttajjar ilbieraħ miż-żagħżugħ Liam Debono qaleb għall-aħjar u jinsab f’kundizzjoni stabbli.

Minkejja li tneħħa minn fuq il-magni Schembri għadu qed jingħata l-kura fit-Taqsima tal-Kura Intensiva.

Dalgħodu Liam Debono tressaq il-Qorti . Fil-Qorti, Liam Debono ta’ 17-il sena minn Ħal Tarxien ġie akkużat fost oħrajn bl-attentat ta’ qtil tal-Pulizija tat-traffiku Simon Schembri. Debono qed jiffaċċja b’kollox 23 akkuża. Huwa wieġeb mhux ħati tal-akkużi miġjuba kontrih. Il-qorti ordnat li jibqa jinzamm arrestat.

Ara wkoll:

ARA: Miċħuda t-talba għall-ħelsien mill-arrest tal-ġuvni akkużat bl-attentat ta’ qtil ta’ Pulizija

Aħbarijiet Oħra
Reliġjon

Ilbieraħ, f’Sibt il-Għid, il-Bormliżi inawguraw l-Irxoxt wara li sarlu r-restawr. Ma’ TVM ir-restawratriċi Valentina Lupo kienet spjegat li l-istatwa kellha erba’ problemi, fosthom diversi qsim fl-injam. Fir-restawr saru wkoll interventi fuq…

Temp

L-uffiċċju meterjoloġiku qed ibassar riħ qawwi. Ir-riħ mix-Xlokk Lvant ser ikun qawwi ħafna fuq l-inħawi fejn jaqbel tal-Gżejjer Maltin. Din it-twissija tibqa’ fis-seħħ sal-għaxra tal-lejla u terġa’ tiġġedded kif meħtieġ.

Saħħa

Mistenni jibda x-xahar id-dieħel ix-xogħol ta’ twaqqiegħ u tħammil għat-tieni dar residenzjali għal persuni bil-marda newroloġika tal-ALS. Il-proġett, f’Ħaż-Żebbuġ, mistenni jiswa sitt miljun Ewro. Ma’ TVM, il-fundatur tal-Fondazzjoni ALS Malta,…

Aktar