Il-laboratorju ta’ Sir Temi Zammit jinfetaħ għall-pubbliku waqt Notte Bianca

Wara li ggradwa fil-mediċina mill-Università ta’ Malta, Sir Temi Zammit kompla bl-istudji tiegħu f’Londra u Pariġi, fejn speċjalizza fil-batterjoloġija. Kien hawn li Sir Temi nxteħet għall-istudju tal-marda tad-‘Deni Rqiq’, li kien qed imarrad ħafna Maltin u suldati Ingliżi li kienu stazzjonati f’Malta fil-bidu tas-seklu l-iehor.

Huwa ntefa’ b’ruħu u ġismu fil-laboratorju f’kamra żgħira fuq il-bejt tal-Palazz Castellania fi Triq il-Merkanti – fejn illum hemm il-Ministeru tas-Saħħa. Tvm.com.mt żar dan il-laboratorju fejn Sir Temi fl-14 ta’ Ġunju 1905 skopra li l-mikrobu tad-deni irqiq kien qiegħed fil-ħalib tal-mogħoż morda. Sir Temi skopra li biex wieħed jilqa’ kontra l-marda, kien meħtieġ li l-ħalib jitgħalla.

Għalkemm għaddew aktar minn 100 sena, l-laboratorju ta’ Sir Temi Zammit għadu fl-istat oriġinali tiegħu b’ħajr għal dan it-tabib li għamel isem għalih bil-kontribut tiegħu għax-xjenza.

Sir Temi kien imfaħħar għal din l-iskoperta u għaliha ngħata t-titlu ta’ Sir mir-re Ġorġ V tal-Ingilterra.

Il-laboratorju ta’ Sir Temi Zammit se jkun fost l-attrazzjonijiet miftuħ għall-pubbliku waqt in-Notte Bianca li ser issir fil-Belt fit-3 ta’ Ottubru.

Aħbarijiet Oħra
Lokali

Il-Prim Ministru Joseph Muscat indirizza l-forum dinji fejn ħabbar li għaxar operaturi tal-kannabis mediċinali kienu approvati mill-Malta Enterprise u anke se japplikaw mal-Awtorità tal-Mediċini biex jingħataw liċenzja. Dr Muscat qal…

Lokali

Riesqa lejn l-aħħar il-Presidenza ta’ Marie-Louise Coleiro Preca, bil-President Marie Louise Coliero Preca tiddeskrivi l-poplu Malti bħala wieħed ġeneruż li jaf jogħla ‘l fuq mill-argumenti u jingħaqad flimkien biex jesprimi…

Lokali

Il-Kunsill tal-Maltin li Jgħixu Barra minn Malta beda jiltaqa’ f’Malta u qed jiddiskuti proposti biex isaħħaħ il-vuċi tal-Maltin imferxa f’diversi komunitajiet madwar id-dinja. Fil-ftuħ tal-laqgħa, il-Ministru Carmelo Abela qal li…

Aktar