Edukazzjoni
Il-Liċeo tal-Ħamrun daqt ikollu pont li jgħaqqad żewġ binjiet

Mill-bidu tas-sena skolastika li jmiss, l-istudenti u l-għalliema fl-Iskola Sekondarja tal-Ħamrun se jkunu jistgħu jaqsmu minn binja għal oħra b’aktar kumdità u b’inqas ħela ta’ ħin.

Dan permezz ta’ proġett tal-Fondazzjoni għall-Iskejjel ta’ Għada, li se jevita li l-istudenti jkollhom jinżlu fl-ewwel sular biex imorru min-naħa għall-oħra tal-iskola.

Minkejja li s-sena skolastika għadha ma ntemmitx, il-Fondazzjoni għall-Iskejjel ta’ Għada bdiet ix-xogħol fuq il-bini ta’ pont li se jgħaqqad iż-żewġ binijiet tal-Iskola Sekondarja San Ġorġ Preca fil-Ħamrun, magħrufa aħjar bħala il-Liċeo.

Dan il-proġett, li se jsir b’investiment ta’ nofs miljun ewro, se jkun lest sal-bidu tas-sena skolastika li jmiss.

Fil-preżent, l-istudenti u l-għalliema fl-iskola bilfors iridu jinżlu fis-sular ta’ isfel biex jaqsmu minn binja għall-oħra. Il-Kap tal-Iskola Sekondarja, Dorianne Portanier Mifsud, qalet li dan il-proġett huwa ta’ benefiċċju kbir.

“Il-fatt li nibdew is-sena bih lest ikun ifisser li l-istudenti u l-għalliema xħin jiġu biex imorru għal-lezzjonijiet, se jmorru aktar fil-ħin għax se jkun hemn inqas ħela ta’ ħin u inqas skariġġ biex wieħed jasal mil-lezzjoni għall-oħra,” qalet il-Kap tal-Iskola.

Il-Kap tal-Iskola qalet li l-ħtieġa għal dan il-pont ilha tinħass u x-xogħol fuqu miexi b’ritmu tajjeb.

Aħbarijiet Oħra
Kronaka

Tagħrif li Television Malta ġabar mingħand il-Pulizija juri li r-rapporti ta’ serq x-xahar li għadda naqsu b’25% meta imqabbel ma Marzu tas-sena l-oħra. Fi kliem l-Ispettur Fabian Fleri, mid-Dipartiment tal-Investigazzjonijiet…

COVID-19

Il-proċeduri għall-IVF jinsabu ffriżati għal kollox kawża tal-COVID19. Il-kap tal-awtoritàa għall-protezzjoni tal-embrijun qalet li ttieħdu miżuri biex dawk li jinsabu fl-età massima li fiha jistgħu jinqabdu tqal bl-IVF, jingħataw estensjoni…

COVID-19

Edizzjoni tal-programm DISSETT se tixxandar wara l-bulettin tal-aħbarijiet tat-8.00pm fuq TVM. Dirett mill-istudios ta’ Television Malta: id-Deputat Prim Ministru u Ministru tas-Saħħa Chris Fearne, u diversi professjonisti mill-Isptar Mater Dei…

Lokali

Kull persuna għandha storja x’tirrakkonta. F’pandemija bħal dik li qed ngħixu, kulħadd jintlaqat b’mod jew b’ieħor u kulħadd għandu il-perspettiva tiegħu. M’hemmx dubju li l-COVID19 se tħalli timbru fis-socjetà u…

Aktar