Lokali
Il-liġi tal-whistleblower f’Malta fost l-aktar b’saħħithom fid-dinja

Rapport mill-organizzazzjoni internazzjonali jikkonkludi li l-liġi tal-whistleblower f’Malta hija fost l-aktar robusti fl-Unjoni Ewropea. Fl-istess ħin ir-rapport jagħmel suġġeriment dwar il-ħolqien ta’ Aġenzija biex tissorvelja l-liġi tal-whistleblowers.

Skont ir-rapport tal-organizzazzjoni internazzjonali “Blueprint for Free Speech”, il-liġi tal-whistleblower f’Malta hija fost l-aktar b’saħħithom fid-dinja għax toffri immunità sħiħa lil min jikxef informazzjoni dwar illegalitajiet serji. Jgħid li l-liġi Maltija tinkludi ħafna mill-istandards Ewropej u internazzjonali li normalment jiġu applikati f’dan il-qasam.

Madanakollu l-istess organizzazzjoni tindika li l-liġi tista’ titħaddem aħjar bil-ħolqien ta’ Aġenzija li jkollha d-dover li tirċievi rapporti mingħand whistleblowers u li tissorvelja t-tħaddim tal-liġi nnifisha.

Il-liġi tal-protezzjoni tal-informatur f’Malta għaddiet fl-2013 biex toffri protezzjoni kontra proċeduri kriminali jew ċivili fil-konfront tal-persuni li joħorġu għonqhom u jikxfu l-borom f’każi ta’ illegalità serja bħal korruzzjoni.

Meqjusa mill-istess organizzazzjoni bħala t-tieni l-aħjar liġi tax-xorta tagħha fid-dinja, il-liġi ta’ Malta ngħatat punteġġ ta’ 59.3%. Il-liġi Irlandiża biss ingħatat punteġġ ogħla. U flimkien mal-liġijiet tal-whistleblower fi Franza u fir-Renju, il-liġijiet ta’ Malta u tal-Irlanda huma l-uniċi erbgħa li jaqbżu l-50%.

Il-Ministru tal-Ġustizzja Owen Bonnici stqarr li dan ir-rapport jindika ċar l-impenn ta’ Malta favur it-tħaddim tas-saltna tad-dritt. Qal li l-Gvern se janalizza r-rakkomandazzjonijiet tar-rapport biex ikompli jsaħħaħ it-trasparenza fil-liġi tal-protezzjoni tal-infurmatur.

Aħbarijiet Oħra
Edukazzjoni

Il-Union tal-Edukaturi Professjonisti, UPE qalet li l-Kunsill tal-Għalliema, iddeċieda li mis-sena skolastika li ġejja, l-għalliema kollha li se japplikaw għall-warrant ser ikollhom jippreżentaw il-fedina penali tagħhom maħruġa fl-aħħar xahar, flok iċ-ċertifikat…

Lokali

It-tifkira ta’ Lassana Cisse Souleymane, li kienet tpoġġiet fil-post fejn inqatel ġiet ivvandalizzata. Huwa kien inqatel kiesaħ u biered fit-triq li tagħti bejn Ħal Far u Birżebbuġa nhar is-6 t’April. B’rabta…

Lokali

Heritage Malta, flimkien mas-Sovritendenza tal-Patrimonju Kulturali Malti u l-Università ta’ Macquarie, f’Sydney l-Awstralja, qed iħabbru l-bidu ta’ proġett internazzjonali u interdixxiplinarju li jinvolvi l-istudju tal-kranji umani li nstabu ġewwa l-Ipoġew…

Aktar