Lokali
Il-limitu fl-eżenzjoni mill-VAT jiżdied għal €20,000

Minn hawn u ġimgħa u nofs oħra se tiddaħħal miżura mħabbra fil-Budget li permezz tagħha se jiżdied il-limitu ta’ eżenzjoni mill-VAT għal negozji żgħar u persuni li jaħdmu għal rashom minn €14,000 għal €20,000 fis-sena. Il-Ministru tal-Finanzi Edward Scicluna qal li din hi miżura ser tnaqqas fil-burokrazija għal ħaddiem jew negozju żgħir li qed jipprova jtejjeb il-kwalità tal-ħajja tiegħu.

Ħaddiema tal-id bħal kaħħala, ħajjata jew persuni li jagħtu xi servizz għal rashom b’numru tar-reġistrazzjoni tal-VAT se jkunu jistgħu jdawru sa €20,000 fis-sena flok €14,000 qabel ikunu obbligati jidħlu fl-iskema ta’ rifużjoni ta’ kull tliet xhur.

Dawk li jagħżlu li jibqgħu kkunsidrati bħala eżenti mill-VAT għax idawru inqas minn €20,000 fis-sena se jkollhom jimlew biss id-dikjarazzjoni annwali tal-valur ta’ servizz li jkunu taw.

Il-Ministru tal-Finanzi Edward Scicluna qal li kif imħabbar fil-Budget, il-Gvern qed jaħseb fiż-żgħir u 18-il sena wara d-dħul tal-VAT se jkun qed jgħolli l-limitu tal-eżenzjoni minn din it-taxxa biex ikompli jnaqqas il-piżijiet amministrattivi u burokratiċi. Is-Sur Frank Borg mit-taqsima legali tad-Dipartiment tal-VAT qal li b’din ir-riforma, id-dħul mit-taxxa għal Gvern jista’ jonqos fi ftit.

Frank Borg mit-Taqsima legali tad-Dipartiment tal-VAT qal li “naturalment ir-revenue affettwat huwa minimu, imma se tiffranka ħafna burdens ta’ amministrazzjoni kemm għalina u kemm għalihom”.

Dr Borg qal li bħalissa hemm madwar 15,600 persuna jew negozji li jiddikjaraw li ma jaqbżux il-limitu ta’ €14,000 fis-sena.

Dr Frank Borg stqarr li “mill-banda l-oħra nies li huma reġistrati li jiċċarġjaw il-VAT f’din il-kateogrija u jaqbżu l-€14,000 imma ma jaqbżux l-€20,000 hemm madwar 900”.

Il-Ministru Scicluna qal li b’din l-eżenzjoni ma jfissirx li dawk li ma jaqbżux l-€20,000 mhux se jħallsu VAT. Bħala eżempju qal li bajjad li jkun eżenti mill-VAT, ma jkunx jista’ jitlob rifużjoni tal-VAT fuq il-pinzell, żebgħa jew materjal li jkun xtara għax-xogħol. Qal li l-Gvern dam kważi disa’ xhur biex jimplimenta din il-miżura minħabba li ried jikseb l-approvazzjoni tal-Kummissjoni Ewropea.

Aħbarijiet Oħra
Kronaka

Karozza ħadet in-nar fi Triq Liedna, il-Fgura. Il-każ seħħ għall-ħabta tas-1am. Fuq il-post issejħu l-membri tal-Protezzjoni Ċivili sabiex jikkontrollaw in-nirien. Issejħet ukoll ambulanza iżda b’xorti tajba ħadd ma weġġa’.

Stejjer Umani

Bjorn Formosa reġa’ daħal l-isptar wara li 21 jum ilu għamel operazzjoni. Fuq Facebook, Bjorn qal li qed iħossu agħar minn qatt qabel u li qed iħossu bla nifs, stordut…

Gazzetti

Ħarsa lejn l-istejjer ewlenin fil-ġurnali tal-lum, it-Tlieta, 25 ta’ Settembru, 2019 L-ORIZZONT b’rapport fil-paġna ta’ quddiem dwar l-aħħar statsitika tal-Uffiċċju Nazzjonali tal-Istatistika li wriet li dawk li qed jirreġistraw għax-xogħol…

Storja

Illejla fid-9.30pm fuq TVM se jixxandar l-ewwel episodju minn tlieta tad-dokumentarju Maltin Internati fl-Italja – Storja Vera – li jirrakkonta u janalizza għall-ewwel darba dak li għaddiet minnu l-komunità Maltija…

Aktar