COVID-19
Il-Malta Red Cross tirċievi għotja għal kull maskra mibjugħa

Il-Malta Red Cross, li tul il-pandemija kienet ukoll fuq quddiem, speċjalment bis-servizz tagħha fost l-immigranti fiċ-ċentru miftuħ ta’ Ħal Far, sabet spalla ta’ għajnuna mill-kumpanija Playmobil.

Il-Playmobil użat it-teknoloġija tagħha biex mal-pupi tal-plastik li tipproduċi bdiet taħdem maskri tal-plastik li jistgħu jintuża aktar minn darba, li meta jintlibsu sew joffru protezzjoni kontra t-tixtrid tal-coronavirus.

Il-kumpanija, bħala parti mir-responsabbiltà soċjali tagħha, qegħda tgħaddi lis-soċjetà tar-Red Cross Maltija ewro minn kull maskra li tbigħ. Kelliem għar-Red Cross qal li din l-għotja ser tgħin lis-soċjetà tkompli bil-ħidma tagħha fil-qasam tas-saħħa.