Lokali
Il-Malta World Music Festival illum f’Sant’Iermu

Il-Ġimgħa filgħaxija jitla’ s-siparju fuq it-tieni edizzjoni tal-Malta World Music Festival fil-Forti Sant’Iermu l-Belt.

Sitt bands b’47 mużiċist minn 14-il pajjiż se jżewqu t-tieni edizzjoni tal-Malta World Music Festival fil-Forti Sant’Iermu. Fosthom il-bands Africancelt, magħmula minn mużiċisti mill-Irlanda, l-Ingilterra u r-Renju Unit, il-band Refugees for Refugees magħmula minn refuġjati minn pajjiżi differenti li ltaqgħu fil-Belġju u għaqdu l-band u l-band Maltija Cushion bi stil ta’ mużika pop mħallta ma’ mużika Indjana.

Għad-direttur artistiku tal-festival Renzo Spiteri, dal-Festival huwa uniku fil-kalendarju Malti li joffri pjattaforma għall-ġeneru ta’ World Music. Huwa qal li dan huwa wkoll ċelebrazzjoni ta’ kulturi u ta’ stili differenti li jiġu flimkien biex joħolqu lingwaġġ komuni: il-mużika.

Id-Direttur Artistiku, Renzo Spiteri qal ”nies li jesperimentaw b’lingwaġġ mużikali ġdid, li jsibu elementi komuni, biex mużiċisti mill-Afghanistan u minn Franza jiġu flimkien u joħolqu xi ħaġa ġdida b’dak li huwa l-background mużikali tagħhom.”

Il-festival multi etniku mhux se jkun limitat għall-mużika imma wkoll għal ikel differenti imħejji mill-Assoċjazzjoni tan-Nisa Migranti.

 

Aħbarijiet Oħra
Lokali

Waslet fi tmiemha l-Presidenza Awstrijaka tal-Kunsill Ewropew, bl-Ambaxxatur Awstrijakk għal Malta, Andreas Stadler, jgħid li fit-tliet oqsma li l-Presidenza Awstrijaka kienet identifikat bħala l-miri tagħha għall-presidenza ġie reġistrat progress. Semma…

Sigurtà

F’tarzna fl-Italja beda x-xogħol fuq l-akbar investiment li qatt daħlet għalih l-armata Maltija: il-bini ta’ patrol boat kbira bi spiża ta’ madwar €50 miljun. Hu pjanat li sa sentejn oħra…

Lokali

Inawgurat ilejla l-għaxar edizzjoni tal-presepju ħaj: “Bethlehem f’Għajnsielem” . . . l-ewwel attrazzjoni tal-Milied mal-wasla f’Għawdex li ta’ kull sena jilqa’ eluf ta’ viżitaturi biex iġeddu l-esperjenza tat-twelid ta’ Ġesù….

Kronaka

Raġel ta’ 60 sena weġġa’ fil-korsa tal-Marsa llum għall-ħabta tas-1.30 ta’ waranofsinhar. Il-Pulizija qalet li l-inċident seħħ waqt li kienu għaddejjin it-tiġrijiet taż-żwiemel. Ir-raġel, li joqgħod ix-Xewkija, ttieħed l-isptar Mater…

Aktar