Lokali
Il-Maltin li jinsabu Strasburgu ma kinux fil-periklu – l-Ambaxxatur Maltija fi Franza

L-Ambaxxatur ta’ Malta fi Franza, Helga Mizzi, kitbet fuq Facebook li l-Maltin li hu magħruf li jinsabu fi Strasburgu ma kienux fil-periklu fil-ħin li seħħ l-attakk terroristiku f’villaġġ tal-Milied fil-belt ta’ Strasburgu. Hija qalet li l-Ambaxxata u l-Konsulat jinsabu f’ kuntatt mal-awtoritajiet.

Intant, fl-aħħar żviluppi minn Strasburgu jirriżulta li fl-attakk inqatlu 3 persuni u ndarbu 12-il ruħ oħra.  Fost il-vittmi ġie identifikat s’issa turist Tajlandiż ta’ 45 sena, filwaqt li martu li hija wkoll Tajlandiża hija fost il-midruba.

Iċ-ċentru ta’ Strasburgu ingħalaq mill-ewwel ftit wara li seħħ l-attakk tant kienu bosta l-Maltin li bħalissa jinsabu Strasburgu u kitbu fuq Facebook li baqgħu fir-ristoranti fejn kienu qed jieklu għal diversi sigħat sakemm il-Pulizija fetħu l-aċċess fil-ħinijiet bikrin ta’ dalgħodu.

Sadanittant, l-awtoritajiet għaddejjin fi tfittxija għall-presunt aggressur Cherif Chekatt, li għandu 29 sena, li aktarx indarab fi skontru mal-Pulizija b’tiri t’arma tan-nar.

Fid-dar ta’ Chekatt instab xi splussiv ftit ħin qabel ma seħħ l-attakk.  Il-forzi tal-ordni ipperkwiżizzjonaw id-dar tas-suspettat aggressur biex jarrestawh.  Fl-imgħoddi huwa kien diġà l-ħabs fuq aggressjoni.

Ir-raġel kien magħruf mal-Pulizija bħala persuna radikali u theddida għas-sigurtà nazzjonali.  L-oriġini ta’ Chekatt hija mill-Afrika ta’ Fuq iżda huwa twieled fi Strasburgu.

Aħbarijiet Oħra
Turiżmu

Il-Maltin jivjaġġaw l-iżjed bl-ajru, u skont statistika tal-Eurostat, 63 fil-mija tal-vjaġġi tal-Maltin fl-2017 saru bl-ajru. Dan ipoġġi lil Malta fl-ewwel post, anke meta mqabbel ma’ gżejjer oħra. Fil-fatt, filwaqt li…

Qorti

Fil-Qorti llum ngħalqu l-provi kontra Liam Debono, li qed ikun akkużat bl-attentat ta’ qtil tas-Surġent Simon Schembri fil-15 ta’ Mejju 2018. Il-proċeduri issa mistennija jkomplu billi jinħareġ l-Att ta’ Akkuża…

Barranin

Bosta jinsabu mħassba b’saħħet il-Kanċillier Ġermaniż, Angela Merkel hekk kif reġgħet intlemħet titriegħed waqt ċerimonja uffiċjali. Il-filmat jaqbad lill-Kanċillier titriegħed mingħajr kontroll minn rasha sa saqajha waqt id-diskors tal-President Frank-Walter Steinmeier….

Politika

L-Assemblea Parlamentari tal-Kunsill tal-Ewropa li tirrappreżenta 47 pajjiż, approvat rapport kritiku dwar is-saltna tad-dritt f’Malta li tħejja mill-Parlamentari Olandiż Pieter Ormtzigt. Ir-rapport ġie approvat bit-72 vot favur, 18-il vot kontra…

Aktar