Lokali
Il-Maltin ma jibżgħux joħorġu waħedhom fit-triq

Il-Maltin huma fost l-iktar 25 poplu li esprimew fiduċja fl-istituzzjonijiet taż-żamma tal-ordni u jħossuhom siguri f’pajjiżhom.

L-istudju mill-kumpanija Gallup sar f’142 pajjiż u stħarreġ il-perċezzjonijiet taċ-ċittadini dwar is-sigurtà.

Malta kklassifikat fit-23 post fost 142 pajjiż fi studju tal-aġenzija Gallup li stħarreġ il-perċezzjonijiet tal-pubbliku dwar l-ordni u s-sigurtà.

Il-Global Law and Order Report indaga l-perċezzjoni fost 148,000 ċittadin minn madwar id-dinja dwar aspetti tas-sigurtà fosthom jekk iċ-ċittadini jħossuhomx siguri jimxu waħedhom f’pajjiżhom. Intalbu jgħidu wkoll jekk għandhomx fiduċja fil-forzi taż-żamma tal-ordni u jekk kienux vittmi ta’ serq jew attakki fl-aħħar sena.

Malta ġiet ikklassifikata mal-ewwel 25 pajjiż billi kisbet 86 punt minn massimu ta’ 100 punt. Singapore kien ikklassifikat bħala l-aktar pajjiż fejn iċ-ċittadini jħossuhom siguri b’97 punt u warajh in-Norveġja, l-Iżlanda u l-Finlandja. Il-pajjiżi fejn iċ-ċittadini jħossu l-inqas siguri huma l-Afghanistan u l-Venezwela.

Il-konklużjonijiet tal-istudju varjaw sostanzjalment minn reġjun għall-ieħor, bl-aktar pajjiżi żviluppati bħall-Istati Uniti u l-Kanada, il-pajjiżi tax-Xlokk tal-Asja u l-Lvant tal-Asja u l-pajjiżi Ewropej għandhom l-iktar livelli għolja ta’ fiduċja fl-istituzzjonijiet għaż-żamma tas-sigurtà. Il-pajjiżi fl-Amerika Latina u l-Karibew irreġistraw l-inqas punti fl-istħarriġ f’dik li hija fiduċja fl-istituzzjonijiet ta’ sigurtà.

Aħbarijiet Oħra
Qorti

Raġel ta’ 32 sena kien ikkundannat sentenza sospiża wara li nstab ħati li kien qed jisraq id-dawl minn substation tal-kumpanija GO f’Wied Rini, il-Baħrija. Il-Qorti semgħet kif l-akkużat, Edward Dominic…

Kurżitajiet

Il-Prim Ministru Joseph Muscat illum jagħlaq 45 sena.  Jidher li għal Dr Muscat kienet ġurnata normali ta’ xogħol, iżda li matulha xorta ċċelebra għeluq sninu. Ritratt li ttella’ mid-Deputat Prim…

Mużika

Ersaq fil-Qrib hija s-single il-ġdida tal-grupp Malti stabbilit The Travellers, b’filmat mużikali li juri familja tipprova tgħix minn jum għall-ieħor filwaqt li madwarha għaddej kunflitt. B’lirika tipikament bil-Malti, din id-diska…

Aktar