Unjoni Ewropea
Il-Maltin pożittivi dwar is-sħubija fl-UE, il-maġġoranza se jivvutaw fl-elezzjoni tal-MEPs

Il-maġġoranza assoluta tal-Maltin iħossu li l-pajjiż ibbenefika mis-sħubija fl-Unjoni Ewropea.

Stħarriġ tal-Ewrobarometru tar-Rebbiegħa li sar mill-Parlament Ewropew li sar bejn Frar u Marzu juri li 91% tal-Maltin wieġbu li Malta bbenefikat mis-sħubija.  Dan ifisser li l-Maltin jaraw il-benefiċċji ħafna iktar mill-medja Ewropea li hija ta’ 68%.

67% tal-Maltin jaraw is-sħubija bħala xi ħaġa tajba, 6% iktar mill-medja Ewropea, filwaqt li kieku kellhom jivvutaw f’referendum dwar jekk għandhomx jibqgħu membri fl-UE, il-maġġoranza tal-Maltin (68%) wieġbu li Malta għandha tibqa’ msieħba fil-blokk Ewropew, sentiment li jirrifletti wkoll fil-maġġoranza taċ-ċittadini Ewropej (68%).

Meta ntalbu jesprimu jekk hux se jivvotaw fl-elezzjonijiet għall-Parlament Ewropew, 36% wieġbu li huma kważi ċerti li se jivvotaw, filwaqt li 35% oħra qalu li x’aktarx li jivvutaw mentri 28% wieġbu li x’aktarx mhux se jivvotaw.  Is-sentiment tal-Maltin huwa kemmxejn għola mill-medja Ewropea, hekk kif 35% tal-Ewropej qalu li se jivvutaw, 32% x’aktarx li se jivvutaw, filwaqt li 31% qalu li wisq probabbli mhux se jivvutaw.

Terz biss mill-Ewropej jafu li l-votazzjoni se ssir f’Mejju u 5% biss kienu kapaċi jikkwotaw id-dati eżatti, filwaqt li f’Malta 73% tal-persuni intervistati jafu d-data tal-elezzjoni.

Dwar it-temi ewlenin li għandhom jiġu iskussi waqt il-kampanja elettorali għall-elezzjonijiet tal-Parlament Ewropew, l-istħarriġ juri li l-Maltin jixtiequ li tingħata prijorità lill-immigrazzjoni (72%), il-ġlieda kontra t-tibdil fil-klima u l-ħarsien tal-ambjent (50%), u l-promozzjoni tad-drittijiet tal-bniedem u d-demokrazija (40%).

Anke għall-Ewropej il-prijorità assoluta hija l-immigrazzjoni, segwita mill-ġlieda kontra t-terroriżmu u l-ġlieda kontra t-tibdil fil-klima u l-ħarsien tal-ambjent.

mt-mt-factsheet-parlemeter-2019

Aħbarijiet Oħra
Annimali

Fis-Siġġiewi, instabu 8 żoni fejn kien qed isir l-insib illegalment. Dan qalitu l-CABS fi stqarrija u saħqet li dawn ix-xbieki li jitpoġġew taħt l-ilma kienu qed jintużaw għall-insib tal-Pispisella, iċ-Ċewċewwa…

Ambjent

Wara li lbieraħ Infrastructure Malta qalgħet siġar mejta fit-Telgħa tas-Saqqajja biex tagħmel il-wisa’ għal siġar ġodda, illum beda x-xogħol ta’ tħawwil. Dalgħodu TVM żar il-post u seta’ josserva l-kumplament tat-tneħħija…

Pulizija

Għall-ewwel darba sal-aħħar ta’ din is-sena, il-Korp tal-pulizija ser ikollu flotta ta’ vetturi ġodda fid-distretti. Il-Korp, illum inawgura ħamsin vettura ġdida u sitt segways li se jintużaw l-aktar fiż-żoni pedonali…

Aktar