Kurżitajiet
Iddispjaċiha li ħolqot Jum l-Omm

Il-mara li kkampanjat biex l-omm tiġi mfakkra b’jum apposta, spiċċat biex iddiżassoċjat ruħha minn din il-festa meta rat li kienet inbidlet f’karru għan-negozjanti u dawk li riedu jimbuttaw l-aġendi tagħhom.

Kien fl-1904 meta, wara l-mewt t’ommha, Anna Jarvis bdiet kampanja biex jinħoloq jum iddedikat lill-omm.

Tliet snin wara din il-festa ġiet iċċelebrata għall-ewwel darba fi knisja Metodista fi Grafton, West Virginia, u fl-1914 il-President Woodrow Wilson approva abbozz ta’ liġi li permezz tiegħu Jum l-Omm sar festa nazzjonali.

Jarvis kienet speċifika ħafna fl-għażla tal-kliem tagħha. Hija riedet Mother’s Day; fejn l-ulied jiċċelebraw ir-relazzjoni ma’ ommhom, li hija unika. Jarvis ma riditx Mothers’ Day, fejn b’mod kollettiv jiġu ċċelebrati l-ommijiet ta’ kulħadd u kullimkien.

Iżda dan kien proprju dak li ġara mill-festa li ħolqot. Matul ħajjitha Jarvis spiċċat tiġġieled man-negozjanti tal-fjuri għall-prezzijiet esaġerati li kienu qed jitolbu f’Jum l-Omm, u kienet ukoll arrestata għax bdiet tikser il-paċi pubblika.

Jarvis reġgħet bdiet tikkampanja biex twaqqaf Jum l-Omm, iżda din id-darba x-xewqa tagħha ma rnexxietx.

Aħbarijiet Oħra
Tradizzjonijiet

Dahri kienu jkunu bilqiegħda fuq xi banketta ħa taqa’ biċċiet biswit xi zuntier għall-frisk, libsin qmis bajda qoton, sidrija miftuħa beraħ, u beritta. F’idejhom, l-għannejja kien ikollhom kitarra, u bi…

Kurżitajiet

Il-Karnival tant mistenni, aktarx l-aktar miċ-ċkejknin, jinsab magħna. Madanakollu, lil hinn mill-bluha u x-xalar li jikkaratterizzaw xi ftit jew wisq dawn il-jiem ta’ briju, ‘Sibtek’ illum jissokta b’programm ieħor mimli…

Storja

Fost l-aktar destinazzjonijiet ta’ interess li jinsabu qrib tagħna, u li huma pjuttost imfittxija mill-Maltin, Sqallija. Liema gżira, tinsab tefa’ ta’ ġebla ‘l bogħod minnha, u li tħaddan għadd ta’…

Tradizzjonijiet

Mis-sittinijiet ‘l hawn, l-intrata tal-Belt Valletta nbidlet ġmielu. Il-karozzi tal-linja l-antiki ma baqgħux magħna, Bieb il-Belt m’għadux hemm, u ż-żona nbidlet ta’ taħt fuq hekk kif kellha bżonn dawra restawr…

Aktar