Lokali
Il-Marsovin jerġa’ jiċċelebra t-tjubija tal-inbid u l-kultura Maltija

Reġa’ magħna l-festival tal-inbid tant maħbub tal-Marsovin, li se jseħħ bejn it-12 u l-14 ta’ Lulju fl-isfond pittoresk tal-ġonna ta’ Hastings, il-Belt Valletta.

Din is-sena hija waħda ferm speċjali hekk kif il-Marsovin tiċċelebra l-100 sena mit-twaqqif tagħha. Il-ġonna ta’ Hastings joħolqu atmosfera perfetta għal avveniment li jiċċelebra inbid ta’ kwalità u l-kultura Maltija. Ma jonqsux ukoll il-veduti spettakolari tal-forti Manwel u l-port ta’ Tas-Sliema.

L-iskop tal-festival hu li jipprovdi atmosfera ta’ divertiment u kultura, mżewwaq bl-aqwa mużiċisti Maltin li ser jieħdu sehem kuljum. Ta’ min wieħed isemmi wkoll huwa s-selezzjoni ta’ ‘l-fuq minn 30 tip ta’ inbid iċċertifikati ta’ kwalità D.O.K u I.Ġ.T, magħmulin minn għeneb imkabbbar f’Malta u Għawdex.

Il-festival huwa immirat għal dawk li għandhom interess ġenwin fl-inbid u minkejja li l-Marsovin tinkoraġixxi lill-pubbliku sabiex iduq il-varjetà ta’ inbid billi toffri wkoll ‘tasters’ disponibbli minn kull bar, tħeġġeġ lil kull min jattendi sabiex jixorbu b’mod responsabbli.

Bħall-edizzjonijiet preċedenti, il-festival ser jaħdem b’sistema ta’ tokens li jissarfu f’inbid, din is-sistema wkoll tagħmel mezz biex dawk li jattendu jkunu jistgħu jduqu diversi inbejjed b’mod responsabbli. Il-Marsovin se terġa’ tħejji rokna fejn wieħed jista’ jitgħallem fuq l-inbid, b’mod interattiv u interessanti.

Din il-Wine Educational Area ser tikkonsisti minn blind tasting ta’ selezzjoni ta’ inbid, spjegazzjoni dettaljata tagħhom, u anke l-opportunità li jintrebħu xi premji. Bookings qegħdin jittieħdu billi jintbagħat email fuq [email protected]

Din is-sena, il-Marsovin stiednet uħud mill-aktar gruppi mużikali popolari Maltin fosthom Red Electrick, The Travellers, The New Victorians u Matthew James fost oħrajn.

Marsovin qiegħda tqabbad ukoll diversi ristoranti li ser ikunu qed joffru varjetà kbira ta’ ikel bnin u varjat, fosthom Temptasian, Eat Me I’m Famous, Fat Louie’s u The Pulled Meat Company.

Il-prezz ta’ dħul huwa ta’ €20, dan jinkludi tazza tal-inbid ‘Limited Edition’ tal-100 sena anniversarju, kif ukoll valur ta’ €20 f’tokens li jissarfu fl-għażla vasta ta’ inbid li se jkun hemm disponbbli. Il-biljetti jistgħu jinxtraw mill-entrata kif ukoll minn qabel mill-ħwienet: The Master Cellar in-Naxxar jew mill-Marsovin Cellars – Raħal ġdid.

Għal aktar informazzjoni żur : www.marsovinwinefestival.com jew ċempel fuq: (+356) 23662383 / (+356) 23662382 / (+356) 21824918 jew ibgħat email fuq [email protected]

Dan huwa artiklu bi ħlas.

Aħbarijiet Oħra
Sport

Wara s-suċċess tal-atleti Maltin tal-Olimpjadi Speċjali b’rebħ ta’ erbgħin midalja fil-logħob dinji ta’ Marzu li għadda, tissokta ħidmet il-fondazzjoni Marigold biex permezz ta’ din il-pjattaforma tagħti opportunitajiet sportivi lil atleti…

Forzi Armati

Fit-tislima mill-ogħla awtoritajiet lill-monument li jfakkar lil Malta Indipendenti fil-Floriana, dalgħodu spikka s-salut ta’ 21 tir minn kanuni tal-Forzi Armati. Din il-parti taċ-ċerimonja ġibdet l-interess ta’ grupp imdaqqas ta’ Maltin…

Kultura

Il-Main Guard, it-toroq u l-bjar taħt il-Belt u The Fortress Builders huma tliet siti li għaddew f’idejn Heritage Malta, l-aġenzija nazzjonali li tħares il-wirt storiku u kulturali tal-pajjiż. F’konferenza tal-aħbarijiet…

Politika

Malta, permezz tal-ambaxxatur għan-Nazzjonijiet Magħquda, Carmelo Inguanez, qiegħda tippresiedi wħud mis-sessjonijiet tal-74 sessjoni tal-Assemblea Generali tan-Nazzjonijiet Magħquda. Dan wara li għall-ewwel darba wara tmintax-il sena, Malta intgħażlet bħala wieħed mill-Viċi…

Aktar