Saħħa
Il-MCCF bi spiża ta’ €800,000 fix-xahar għal kimoterapija speċjalizzata

Il-President ta’ Malta Marie-Louise Coleiro Preca bdiet żjara fi sptarijiet f’Londra fejn pazjenti Maltin imorru għall-kura. B’kollox se żżur seba’ sptarijiet u tliet residenzi li fihom joqogħdu pazjenti u qrabathom.

Ma’ TVM hija stqarret li l-ispiża tal-Fondazzjoni Malta Community Chest Fund kull sena qed tkompli tiżdied. Qalet li l-ispiża għall-kimoterapija speċjalizzata telgħet għall-€800,000  fix-xahar filwaqt li din is-sena l-ispiża fuq ħtiġijiet ta’ ikel, trasport u akkomodazzjoni għall-pazjenti u qrabathom li jsiefru barra għall-kura, leħħqet il-miljun Ewro.

Dan minbarra li biż-żidiet li għandha quddiemha l-Fondazzjoni Malta Community Chest Fund għas-servizzi differenti li tagħti, qed ikun proġettat li l-ispiża globali għal din is-sena biex tlaħħaq mad-domanda ta’ min jirrikorri għall-għajnuna minn għandha, se tqarreb id-disa’ miljun Ewro.

Il-Fondazzjoni Malta Community Chest Fund din is-sena se tkun għenet mat-800 persuna – bejn pazjenti u qrabathom li jakkumpanjawhom, biex imorru barra għall-kura mhux biss fl-Ingilterra imma anke fl-Italja, Sqallija, il-Ġermanja u Spanja.

Aħbarijiet Oħra
Elezzjoni

Il-Kap tal-Moviment Patrijotti Maltin Henry Battistino qal li wara li ħareġ ir-riżultat tal-elezzjoni tal-Parlament Ewropew se jirriżenja. Fuq Facebook huwa kiteb li l-Partit li jħobb kellu disfatta u għalhekk se…

Lokali

Uffiċjali tad-Dwana mit-Taqsima tal-Propjetà Intellettwali nterċettaw container fil-Freeport li kien qed iġorr 26,688 qalziet tal-jeans ta’ ditta rinomata li però rriżultaw li kienu kontrafatti (foloz). Fi stqarrija maħruġa mid-Dwana ntqal…

Mużika

Il-grupp mużikali Meadow Strings ħareġ kanzunetta ġdida Alive. Meadow Strings huwa kompost minn Magdalene Farrugia u Mario Camileri. Fil-kanzunetta tagħhom, Alive huma japprezzaw is-sbuħija u l-importanza tal-ambjent. Miġbud qal is-siġar tal-Buskett…

Kronaka

Raġel ta’ 60 sena ndarab gravi wara li laqtitu l-karozza malli niżel minnha. L-inċident seħħ għall-ħabta tat-7.45am fi Triq ix-Xatt, il-Kalkara. Il-Pulizija tad-Distrett marru minnufih fuq il-post fejn minn stħarriġ…

Aktar