Edukazzjoni
Il-Ministeru tal-Edukazzjoni jisħaq tolleranza żero għal każijiet ta’ aggressjoni fuq l-għalliema

Il-Ministru tal-Edukazzjoni Evarist Bartolo stqarr li bħal Union tal-Għalliema, il-Ministeru għandu tolleranza żero f’każijiet ta’ aggressjoni fuq l-għalliema. Il-Ministru Bartolo li kien qiegħed jirreaġixxi għall-istudju tal-MUT li wera l-maġġoranza kbira tal-għalliema qalu li kienu fil-mira ta’ forom differenti ta’ aggressjoni, l-iżjed mill-istudenti u l-ġenituri. Il-Ministru saħaq li każi kollha li ġew irrapportati ġew investigati u ħeġġeġ lill-edukaturi biex jirrapurtaw il-każi li jkollhom biex tittieħed l-azzjoni meħtieġa.

Il-Ministru tal-Edukazzjoni Evarist Bartolo u l-Union tal-għalliema l-MUT għandhom l-istess perspettiva li ma jittollerawx l-ebda vjolenza fuq l-edukaturi fl-iskejjel u seperatament iż-żewġ naħat qed jieħdu passi biex każi ta imgieba abbusiva fuq l-edukaturi tkun indirizzata.

Il-Ministru Bartolo qal li studenti u ġenituri li jabbużaw mhux ser isibu ebda ħajt tal-kenn.

Evarist Bartolo qal “spiċċa dak iż-żmien li jiġi xi ħadd u jgħid isma mort u għamilt għal xi ħadd imbagħad se nsib kenn xi mkien.”

Żied jgħid li kull rapport li sar dejjem ġie segwit b’passi xierqa mid-Direttorat għas-Servizzi Edukattivi. Dwar iċ-ċifri allarmanti li ħarġu mill-istħarriġ tal-MUT li qalet li 87% tal-edukatur iffaċċjaw l-aggressjoni, il-Ministru Bartolo innota li l-istħarriġ kif qalet l-MUT stess mhux xjentifiku għaliex sar fuq kampjun ta’ 183 mid-disat elef edukatur. Dwar is-sejħa tal-MUT li l-iskejjel għandhom ikollhom uffiċjal tas-sigurtà, il-Ministru Bartolo qal li dan irid isir bil-qies.

Bartolo qal “iva fejn hemm bżonn jkun hemm uffiċjali tas-sigurtà biex nipproteġu lill-edukaturi tagħna imma nagħmluha bil-qies u kif għandha ssir imma rrid inserraħ ras l-edukaturi tagħna li aħna qegħdin hemm biex nipproteġuhom”.

Is-sur Bartolo qal li l-Ministeru nieda servizz online biex jiffaċilita l-ilmenti dwar każi ta’ imġiba abbussiva.

Il-Ministru Bartolo qal “qed ngħidu lill-edukaturi rrapportaw direttament u nwegħduhom li se nkunu qed nieħdu l-passi mill-ewwel.”

Il-Ministru qal li dis-sena ġew allokati €280,000 għas-sigurtà fl-iskejjel u ser jiħraxu l-pieni għal reati ta’ aggressjoni fl-iskejjel.

Intant il-Partit Nazzjonalista wera l-appoġġ tiegħu għall-għalliema waqt li talab azzjoni vera mill-Gvern wara l-istudju tal-Union tal-Għalliema. Fi stqarrija, il-kelliem dwar l-edukazzjoni Clyde Puli qal li donnu l-Ministru Bartolo qed jistenna dak li s-sur Puli sejjah ‘war zone’ biex jagħmel xi ħaġa. Huwa qal li l-Gvern Laburista mhux qed iħares fit-tul biex jiġbed lejn il-professjoni kruċjali tal-għalliema aktar studenti billi jara li l-għalliema jkun żgurati li jgawdu ambjent sigur.

Aħbarijiet Oħra
Xogħol

L-iskema ta’ xogħol fil-komunità li bdiet fl-2016 kienet taħt il-lenti tal-Awditur Ġenerali li f’rapport li ippreżenta lill-Ispeaker ta ċertifikat pjuttost tajjeb lill-iskema għalkemm iħeġġeġ lill-entitajiet governattivi involuti biex itejjbu l-moniteraġġ…

Ambjent

Malta, flimkien ma’ 8 pajjiżi oħra tal-Unjoni Ewropea u żewġ stati assoċjati, se tkun qed tnaddaf il-bajjiet tagħha f’dak li dak jissejjaħ bħala l-Blue Mediterranean Clean-Up Week. Fl-ewwel ġimgħa ta’…

Blockchain

Erba’ xhur wara li Malta saret l-ewwel pajjiż fid-dinja li użat is-sistema tal-blockchain fil-ħruġ taċ-ċertifikati għall-istudenti, it-teknoloġija tal-blockchain se tibda tintuża għal kuntratti tal-kirjiet, meta fil-jiem li ġejjin se tkun…

Qorti

Il-Pulizija ressqet il-Qorti żagħżugħ u xlietu li bejn Frar u Mejju wettaq ħames serqiet ta’ flus u ġojjelli minn residenzi fl-Imsida u San Pawl il-Baħar. Aliosha Emnadze, Ġorġjan ta’ 24…

Aktar