Infrastruttura
Il-Ministru Ian Borg iħeġġeġ lill-periti biex jippjanaw aħjar l-ispazji

Il-Periti u dawk involuti fid-disinn u l-ippjanar tal-bini qed ikunu mħeġġa jkunu iktar innovattivi. F’konferenza li ddiskutiet modi ġodda kif Malta tista’ tindirizza l-isfidi relatati mal-użu tal-art, il-Ministru Ian Borg ħeġġeġ lill-periti u l-ħaddiema relatati biex jippjanaw aħjar l-ispazji li jkollhom quddiemhom, waqt li l-Kelliema tal-Oppożizzjoni, Marthese Portelli qalet li min jipproponi proġetti b’innovazzjoni sostenibbli jkun inċentivat fosthom bi proċessi li jieħdu inqas fit-tul.

Uħud mill-iktar imsieħba importanti fl-oqsma tal-ippjanar, id-disinn, il-bini u l-iżvilupp iltaqgħu f’forum nazzjonali bit-tema ‘nivvintaw mill-ġdid il-postijiet permezz tal-innovazzjoni’.

Huma ddiskutew u stħarrġu modi ta’ kif Malta tista’ taghmel aħjar l-użu mill-art għall-iżvilupp u kif l-innovazzjoni fid-disinn tista’ tintuża ghal ambjent aħjar u aktar sostenibbli.

Il-Ministru għall-Infrastruttura, Ian Borg, qal li l-Gvern qed jaġġorna l-policies fosthom fl-ippjanar, biex jirriflettu l-viżjoni għall-ġejjieni. Waqt li indirizza l-konferenza ‘Malta Architecture and Spatial Planning’ (MASP), Dr Borg qal li l-bidla hi tajba, iżda jeħtieġ li tkun bidla pożittiva li tħares is-sigurtà tal-bini u n-nies, kif seħħ bil-bidliet li daħlu fis-seħħ is-sajf li għadda u t-twaqqif tal-Aġenzija tal-bini u l-kostruzzjoni.

Il-Kelliem tal-Oppożizzjoni għall-Ippjanar u l-propjetà, Marthese Portelli, qalet li jekk irridu nippremjaw l-innovazzjoni sostenibbli jeħtieġ landscape policy u li nikkunsidraw proċessi tal-applikazzjoni iqsar, miżati orħos u inċentivi fiskali, fost l-oħrajn. Dr Portelli qalet li rridu nitilqu mill-kunċett ta’ permessi, għal pjanar li jagħmel sens, li joħloq spazju li jgħinek tgħix aħjar.

Hija saħqet li l-politiċi għandhom responsabilità kbira li jipproteġu l-karatteristiċi ta’ pajjiżna u huwa ċar li Malta trid tkun aktar innovatttiva fl-ispazju limitat li għandha.

Aħbarijiet Oħra
Stejjer Umani

Għandu 67 sena, u flimkien ma’ missieru sa minn ċkunitu trabba b’passjoni kbira għal trakkijiet militari Amerikani u Ingliżi, u inġenji oħra fosthom magni tal-ajruplani. Michael Cachia jqatta’ ħinu jibni…

COVID-19

Il-Kamra tan-Negozji Żgħar u Medji qalet li l-aġenti u l-operaturi tal-ivvjaġar qegħdin jiffaċjaw diffikultatjiet biex joħorġu r-rifużjonijiet minħabba li l-kumpaniji turistiċi mhumiex qegħdin jibagħtulhom l-flus lura tal-vjaġġi u pakketti tal-ivjaġġar…

Immigrazzjoni

Għaxar t’ijiem wara s-sejħa tal-espressjoni għal bastiment biex fuqhom ikunu iżolati immigranti irregolari, Television Malta jinsab infurmat li l-Gvern irċieva mal-15 il-offerta. Is-sejħa ngħalqet f’nofsinhar tat-Tnejn li għadda u issa…

COVID-19

Bl-għan li jkun ta’ spalla għal negozji fid-dawl tar-realtajiet ekonomiċi tal-pandemija l-Bank Malti ta’ Żvilupp introduċa inizjattiva biex negozji żgħar li jitolbu self lill-banek ma jkollhomx bżonn jipprovdu garanziji personali…

Aktar