Lokali
Il-mira tal-proġett għall-appartamenti fiċ-ċentru ta’ Londra qiegħda nofs triq

Id-diriġenti tal-Fondazzjoni Puttinu qalu lil TVM li wara li fil-maratona ta’ tmiem il-gimgha inġabret is-somma ta’ ‘l fuq minn miljun u sitt mitt elf ewro, il-mira biex iseħħ il-proġett għal appartamenti fiċ-ċentru ta’ Londra qiegħda nofs triq. Angele Cuschieri u Rennie Zerafa qalu li l-maratona wriet li l-poplu Malti fehem il-bżonn li jinbnew dawn l-appartamenti biex tittaffa t-tbatija tal-familji u individwi li jitilgħu għall-kura f’Londra.

Il-ħmistax-il edizzjoni tal-maratona b’risq Puttinu Cares u l-proġett ambizjuż biex ikollhom appartamenti fiċ-ċentru ta’ Londra għal pazjenti u l-qraba li jitilqgħu għall-kura f’Londra rat għotjiet minn familji, individwi u l-kumpaniji li skorrew il-miljun u sitt mitt elf ewro.

Rennie Zerafa u Angele Cuschieri qalu lil TVM li minkejja li jinsabu għajjenin wara tant iljieli ta’ ħidma flimkien mal-voluntiera, iħossuhom grati lejn il-poplu Malti u Għawdxi.

“Inħossuna ferħanin li l-pubbliku qed jemmen fil-proġett, u tana risposta u responsabbiltà li l-flus qed itina ninvestuhom f’darba għal dejjem”

Għall-proġett ta’ bini ta’ appartamenti fiċ-ċentru ta’ Londra, il-Fondazzjoni Puttinu tistma li għandha bżonn tletin miljun ewro.

Angele Cuschieri qalet “qisna qegħdin nofs triq, meta tara l-pazjenti żgħar u l-pazjenti li ġew hemm u li kienu huma li ġew jgħinu lil ħaddieħor ma tistax ma tgħinx lil dawn in-nies”

Rennie u Angele qalu li se jibqgħu jaħdmu bla heda biex ikun hemm iktar serħan il-moħħ għall-pazjenti Maltin li jitilgħu għall-kura anki jekk għal tul ta’ żmien.

Aħbarijiet Oħra
Kultura

Sal-lum ma kienx faċli li wieħed jikseb informazzjoni dwar l-antenati tiegħu li jmorru lura qabel l-1863 meta bdew jiġu rreġistrati kull twelid, żwieġ u mewt f’Malta u Għawdex. Ħafna minn…

COVID-19

Il-Gvern illejla ħabbar li minn grupp ta’ immigranti li lbieraħ iddaħħlu Malta ġew iżolati u sarilhom swab test għall-Covid19, fejn 16 minnhom irriżultaw fil-pożittiv. Fi stqarrija maħruġa mill-Uffiċċju tad-Deputat Prim…

Kultura

Bħal għada filgħaxija, lejlet il-festa tas-Salvatur f’Ħal Lija, id-dilettanti tan-nar kienu joħonqu ż-żoni ċentrali ta’ Malta biex isegwu l-ispettaklu ferm mistenni tal-logħob tan-nar. Din is-sena, minflok fl-għelieqi jħejju għal dan…

Infrastruttura

Beda xogħol ta’ manutenzjoni u mmodernizzar tal-mini prinċipali li għandna fit-toroq Maltin. Il-proġett mhux se jieqaf biss ma’ tiswijiet u titjib fil-faċċati u l-ħitan biex ikollhom dehra isbaħ, iżda Infrastructure…

Aktar