NGOs
Il-mixja ta’ Puttinu fil-Ġimgħa l-Kbira se tibdel ir-rotta

Għal darb’ oħra l-poplu Malti se jżomm it-tradizzjoni tal-aħħar ħmistax-il sena b’mixja mill-Mellieħa fis-sigħat bikrin tal-Ġimgħa l-Kbira.

Din is-sena, iżda, se tkun qed tinbidel ir-rotta, hekk kif il-mixja tibda mill-pjazza tal-Knisja Parrokkjali tal-Mellieħa fin-nofsiegħa, u tispiċċa fuq il-Fosos tal-Furjana, minflok fl-Isla, bħal ma jsir is-soltu.

L-organizzaturi spjegaw li dan it-tibdil sar minħabba x-xogħlijiet li qed isiru fil-Marsa, u li jistgħu jkunu ta’ periklu għal min ikun qed jimxi fid-dlam. B’kollox ir-rotta se tkun twila 22 kilometru, u għandha tieħu madwar erba’ sigħat.

Il-parteċipanti huma mitluba jagħtu donazzjoni ta’ €10 b’risq Puttinu Cares. Iktar informazzjoni tista’ tinkiseb minn hawn.

Is-sena l-oħra nġabru €91,000 bis-saħħa ta’ din il-mixja, li fiha pparteċipaw madwar 10,000 persuna.

Aħbarijiet Oħra
Kronaka

Żewġ xufiera ta’ coaches dalgħodu rrikorrew għall-kura f’ċentru tas-saħħa wara ħabta fl-ajruport internazzjonali ta’ Malta. L-inċident seħħ għall-ħabta tas-6.00am bejn coach tal-Aviaserv u coach tal-AirMalta, li ma kinux qed iġorru…

Xogħol

Il-Ministru Edward Zammit Lewis, filwaqt li nieda l-Premju Nazzjonali Ħaddiem tas-Sena, qal li l-ekonomija tistrieħ fuq il-ħaddiem, u li dan il-premju jirrikonoxxi l-bżulija. Iċ-Chairperson tal-kumitat organizzattiv, Angela Agius, spjegat li…

Kultura

Waqt konferenza tal-aħbarijiet tħabbar il-kunċert innovattiv bis-sehem tal-mużiċisti tal-banda, Ħuġġieġa tal-Banda 12th May b’għajnuna ta’ fondi mill-Kunsill Malti għall-Arti. Il-banda 12th May ta’ Ħaż Żebbuġ bħalissa qed tipprepara għall-proġett Ħuġġieġa,…

Sigurtà

Il-kumpanija ARMS iċċarat li l-ħaddiema tagħha li jintbgħatu jaqraw il-meters tad-dawl u l-ilma jridu jkunu lebsin l-uniformi kif tidher fir-ritratt. TVM infurmat li fl-aħħar ġimgħat xi residenti esprimew tħassib dwar…

Aktar