Kultura
Il-Mużew tal-Arkeoloġija b’kunċert għall-maħbubin

Il-Gran Salon fil-Mużew tal-Arkeoloġija hi waħda mill-isbaħ swali fil-Belt b’ħitan impittra u saqaf li hu wieħed mill-ftit eżempji oriġinali ta’ soffitt tal-injam tas-seklu sittax. Din is-sala ntgħażlet għal tliet kunċerti b’isem komuni l-ġimgħa d-dieħla: “Unforgettable”.

L-ambjent rikk tal-Gran Salon fil-Belt, sala fis-sular ta’ fuq tal-Berġa ta’ Provence li fiha kienu jsiru bosta attivitajiet mill-Kavallieri minn dan ir-reġjun fi Franza, se jkun l-isfond għal kunċert biex jiċċelebra Jum San Valentinu.

Il-kunċert “Unforgettable” hu maħsub li joħloq esperjenza maġika li tqanqal nostalġija għall-mużika romantika miż-żmien tad-deheb tal-iswing u l-jazz minn leġġendi bħal Mario Lanza, Nat King Cole u Frank Sinatra. Il-kunċert se jittella’ bis-sehem tat-tenur żagħżugħ Nico Darmanin li se jkun akkumpanjat mill-Big Band Brothers u l-kantanta Jasmine Abela.

“Tant għandna ħajja mgħaġġla illum li forsi ninsew emozzjonijiet ta’ meta tkun għadek teenager u l-ewwel darba, kif ngħidu bl-Ingliż tħoss l-butterflies jien vera nemmen li din il-mużika tista ttik in-nostalġija biex tiftakar u l-opportunità biex terġa tidħol f’dak l-istat li tħoss din l-imħabba lejn il-maħbub jew il-maħbuba tiegħek” qal it-Tenus Nico Darmanin.

Nico Darmanin qed inaqqax popolarità fiċ-ċrieki tal-opra internazzjonali u tella’ rappreżentazzjonijiet fir-Royal Opera House f’Londra u l-Glyndebourne Opera House. Apparti fil-festa tal-maħbubin, il-kunċert Unforgettable se jittella’ wkoll fil-jumejn ta’ wara.

 

Aħbarijiet Oħra
Kronaka

Il-Pulizija rringrazzjat lill-pubbliku tal-għajnuna li ta biex jinsab Clive Agius li kien qed imfittex mill-Pulizija fuq ordni tal-Qorti, Clive Agius għandu 34 sena u jirrisjedi l-Floriana u qe djinżamm mill-Pulizija…

Kronaka

Anzjan ta’ 67 sena minn San Pawl il-Baħar weġġa’ gravi wara li waqa’ minn fuq l-irdum ta’ Għajn Tuffieħa. L-inċident seħħ għall-ħabta tas-13:45, bil-Pulizija u l-AFM marru minnufih fuq il-post…

Ambjent

Id-diskussjoni u d-deċiżjoni dwar l-applikazzjoni għall-pompa tal-petrol fil-Magħtab, limiti tan-Naxxar, mhux se ssir għada minħabba li llum ġiet ippreżentata kawża fil-Qorti f’dan ir-rigward. Fi stqarrija maħruġa mill-Awtorità tal-Ippjanar intqal li…

Toroq

Qed jiġi rrappurtat li hemm traffiku kbir fl-inħawi tal-Floriana, il-Pietà, l-Imsida u Ta’ Xbiex. Jidher li l-karozzi jinsabu mwaħħlin fit-traffiku anke fil-Marsa, fi Triq Diċembru 13, Triq Aldo Moro u…

Aktar