Enerġija
Il-PA b’tibdil fil-politika dwar il-pompi tal-petrol

L-Awtorità tal-Ippjanar għamlet numru ta’ emendi fil-policy dwar il-pompi tal-petrol, li huma bbażati fuq il-proposti li ġew sottomessi fil-konsultazzjoni li saret aktar kmieni din is-sena.

L-Awtorità qalet li fost it-tibdiliet, il-pompi tal-petrol, li ser ikunu jistgħu jiġu rilokati, ser ikun dawk biss li jkunu għadhom qegħdin jintużaw meta tiġi sottomessa l-applikazzjoni għall-iżvilupp. Barra min dan żdiedet ukoll kundizzjoni li biex tiġi rilokata pompa tal-petrol trid tkun qiegħda toħloq inkonvenjent u periklu fiż-żona.

Applikazzjonijiet għall-pompi barra ż-żona tal-iżvilupp ser jiġu kkunsidrati biss f’każi fejn l-art diġà jkollha permess għall-iżvilupp.

Fi stqarrija, l-Awtorità qalet li l-policy proposta ser tapplika għall-applikazzjonijiet li diġà ġew sottomessi. Il-policy tillimita wkoll għal mhux aktar minn 1,000 metru kwadru l-pompi tal-petrol li jiġu approvati.

Minħabba dawn it-tibdiliet il-konsoltazzjoni pubblika dwar dawn l-emendi reġgħet infetħet sal-1 ta’ Novembru.

Aħbarijiet Oħra
Ambjent

Żona li fiha daqs seba’ grawnds tal-futbol, li minn wied naturali nbidlet f’miżbla, qed tingħata wiċċ ġdid biex minflok tibqa’ ġerħa fin-naħa t’isfel ta’ Malta, issir attrazzjoni. Sa wieħed u…

Kultura

Infrastructure Malta appik li tibda operazzjoni delikata, biex taqla’ sħiħ mill-blat qabar tal-perjodu Puniku-Ruman, u tpoġġih fil-ġenb ta’ triq ġdida li qed tibni f’Ħ’Attard. B’hekk din is-sejba ta’ valur arkeoloġiku,…

Immigrazzjoni

TVM jinsab infurmat li matul il-lejl li għadda, grupp ta’ madwar 90 immigrant li ġew salvati fil-Mediterran fiż-żona ta’ tiftix u salvataġġ ta’ Malta ttieħdu fuq vapur tal-Captain Morgan li…

COVID-19

Il-pandemija u r-reħi tar-restrizzjonijiet ġabu magħhom l-użu tal-maskra. Filwaqt li ħafna qed jużawha kif obbligati jagħmlu f’ħafna postijiet pubbliċi, osservajna li bosta qed jilbsu biex taparsi libsuha. Id-Direttur tad-Direttorat tal-Promozzjoni…

Aktar