Lokali
“Il-pajjiż ma għandux jiddependi fuq il-karozzi għat-trasport” – AD

Iċ-Chairperson ta’ Alternattiva Demokratika Carmel Cacopardo qal li l-pajjiż ma għandux jiddependi fuq il-karozzi għat-trasport għax b’hekk qed jiżdied it-traffiku t-tniġġiż.

Flimkien mal-kandidati għall-Elezzjonijiet tal-Kunsilli Lokali u tal-Parlament Ewropew, il-Perit Cacopardo lmenta li Transport Malta qed żżid l-ispazji għall-karozzi u mhux għar-residenti. Huwa qal li l-proġett tas-Central Link f’Ħ’Attard ser jaqsam minn nofs dan ir-raħal u b’hekk ser ikun iktar diffiċli għar-residenti li jużaw it-trasport pubbliku.

Huwa qal li din it-triq mhux ser toffri faċilitajiet adegwati għar-roti u ser teqred ir-raba’. Ippropona li jinħoloq trasport alternattiv lokali u reġjonali ħalli jonqos it-traffiku. Fakkar li skont studju tal-UniversitÀ ta’ Malta, is-sewwieqa qed iqattgħu siegħa fil-ġimgħa fil-konġestjoni tat-traffiku.

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Aktar