Reliġjon
Il-Papa Emeritu Benedittu XVI kontra li rġiel miżżewġa jservu ta’ qassisin

Il-Papa Emeritu Benedittu Sittax, li rtira lura fl-2013, iddefenda l-pożizzjoni tal-Knisja dwar iċ-ċelibat fil-Knisja Kattolika waqt li s-suċċessur tiegħu, il-Papa Franġisku qed itaffi r-regolamenti dwar irġiel miżżewġa li jservu ta’ qassisin.

Il-Papa Benedittu għamel l-appell fi ktieb li kiteb flimkien mal-Kardinal Robert Sarah. Il-Papa, li rtira seba’ snin ilu mill-kariga minħabba raġunijiet ta’ saħħa, qal li ma jistax jibqa’ sieket dwar il-kwistjoni. Huwa kiteb li ċ-ċelibat, tradizzjoni li tmur għal sekli sħaħ fit-tradizzjoni tal-Knisja għandha importanza kbira għax tħalli lill-qassisin iffukati fuq l-irwoli ekkleżjastiċi tagħhom.

Il-Papa Benedittu, li llum għandu 92 sena, qal li mhux possibbli li tagħmel iż-żewġ vokazzjonijiet f’daqqa.

Huwa rari għall-Papa Benedittu, li kien l-ewwel papa li rriżenja mill-kariga fi kważi sitt mitt sena, li jintervjeni fi kwistjonijiet klerikali.

Aħbarijiet Oħra
Barranin

Road blocks u bliet vojta mistħajla tal-iħirsa. Hekk hi s-sitwazzjoni fi bliet fiċ-Ċina fejn l-imxija tan-Novel Coronavirus qed tibqa’ tisfida lix-xjentisti li għalkemm qed iżommu f’iżolament lil pazjenti milquta, xorta…

Barranin

Il-kumpanija Boeing lestiet b’suċċess l-ewwel titjira prova bl-ajruplan bl-ikbar magni fid-dinja, is-777X. Dan b’attentat li l-kumpanija terġa’ tibni r-reputazzjoni tagħha wara li l-ajruplan tagħha 737 Max spiċċa ma jistax jittajjar,…

Barranin

Filmat li kiseb popolarità kbira fuq il-midja soċjali juri l-mument li mewġ kbir jogħla fuq id-djar fil-gżejjer Baleariċi. Maltempata kbira, imlaqqma Gloria, ħakmet partjiet varji ta’ Spanja fl-aħħar jiem, b’mod…

Barranin

Raġel f’Arizona fl-Istati Uniti inqabad jużu skeletru mlibbes il-ħwejjeġ, biex ikun jista’ jagħmel użu mill-carpooling lane. L-awtoritajiet lokali qalu li r-raġel, ta’ 62 sena, twaqqaf wara li uffiċjali fit-triq innota…

Aktar