Barranin
Il-Papa Franġisku jagħlaq 5 snin imexxi l-Knisja Kattolika

5 snin ilu l-Knisja Kattolika għażlet il-Papa ġdid biex imexxiha. Dan wara li l-Papa Benedittu XVI ċeda t-tmun tal-Knisja fi Frar 2013.

Għall-ewwel darba l-Papa magħżul kien Ġiżwita u kien mill-Arġentina.

Kien nhar it-13 ta’ Marzu, 2013 meta mill-Vatikan tħabbar il-266 Papa tal-Knisja Kattolika.

Jorge Mario Bergoglio, iben immigranti Taljani li marru jgħixu l-Arġentina kien il-magħżul mill-Kardinali. Huwa ħa l-isem ta’ Franġisku għall-qaddis San Franġisk t’Assisi.

Mal-ewwel ħinijiet tiegħu, bil-ġesti tiegħu huwa seraq il-qlub ta’ ħafna nies. Fil-fatt ħafna jsibuh bħala l-Papa tas-sempliċità.

Fost il-punti prinċipali fil-ħidma tiegħu wieħed isib l-enfażi fuq il-ħniena t’Alla u s-sejħa biex l-insara juru ħniena ma’ xulxin u l-Knisja tal-Fqar li tkun viċin il-foqra u l-emarġinati.

Mingħajr tibdil fit-tagħlim tradizzjonali tal-Knisja, il-Papa ħadem biex juri l-Knisja bħala waħda li taf tagħder u tħobb.

F’għeluq il-5 snin mit-tmexxxija tiegħu, il-Papa Franġisku kiteb tweet sabiex inħallu lil Alla jidħol f’ħajjitna.

Aħbarijiet Oħra
Barranin

Fi Spanja, tkompli titqanqal tanqtlet diskussjoni kbira dwar il-liġijiet kontra l-vjolenza domestika wara li raġel ta’ 50 sena qatel lill-martu u waqt li ħareġ bil-parole qatel ukoll lill-avukata tiegħu li…

Barranin

Fil-Polonja, eluf ta’ nies attendew il-funeral tas-Sindku ta’ Gdansk Pawel Adamovicz li nhar il-Ħadd inqatel b’daqqiet ta’ sikkina waqt li kien qed jieħu sehem f’attività ta’ karità biex jinġabru l-fondi…

Barranin

Waħda min-nisa li weġġgħu fl-inċident li kien involut fih id-Duka ta’ Edinburgh, il-Prinċep Philip qalet li minn dejjem xtaqet tiltaqa’ ma’ xi ħadd mill-Familja Rjali. X’aktarx imma qatt ma bassret…

Annimali

Il-kelb li ddomina l-mezzi soċjali Boo miet fl-età ta’ 12-il sena. Is-sidien tiegħu qalu li wara li miet il-kelb Buddy fl-2017, Boo beda jkollu problemi f’qalbu. L-amministraturi tal-paġna tal-kelb fuq…

Aktar