Barranin
ARA: Il-Papa Franġisku jerġa’ jagħmilha … din id-darba fuq l-ajruplan

Il-Papa Franġisku ma jiqafx jissoprendi lid-dinja tant li sar l-ewwel Papa li ċċelebra żwieġ waqt titjiera fuq ajruplan. Il-Papa fi triqtu minn Santiago għall-belt ta’ Iquique fiċ-Ċili ltaqa’ ma’ koppja li taħdem fuq l-ajruplan u li kienet ilha miżżewġa biċ-ċivil 10 snin. Il-Papa Franġisku saqsihom jixtiqux jiżżewġu bil-Knisja fejn spjegalhom liż-żwieġ huwa s-sagrament li għandha bżonn id-dinja tal-lum. Il-Papa spjega li jittama li dan iż-żwieġ jispira lil ħafna koppji li qed jgħixu flimkien jiżżewġu bil-Knisja u li ċ-ċrieket ifissru rabta b’saħħitha biżżejjed li jżommilhom flimkien iżda libera li ma toħnoqx.

Il-koppja ma żżewġitx bil-Knisja minkejja li kellhom kollox preparat minħabba li ftit qabel ġranet iċ-ċelebrazzjoni seħħ terrimot li ġġarraf il-Knisja kompletament. Il-Papa malli sema’ lill-koppja tirrakonta l-esperjenza tagħha mill-ewwel offrielhom li jżewwiġhom dak il-ħin stess fuq l-ajruplan tant li kif wieġbu iva, ġiegħel żewġ kardinali jiktbu dokument li jiċċertifika ż-żwieġ tagħhom, bil-firma tal-Papa bħala ċ-ċelebrant u ta’ kardinal bħala wieħed mix-xhieda flimkien mal-kap eżekuttiv tal-kumpanija tal-ajru.

Paula Podest li għandha 39 sena u Carlos Ciufardi ta’ 41 sena tkellmet mal-ġurnalisti wara ż-żwieġ fejn spjegat li anke saqsiet lill-Papa jekk iż-żwieġ tagħhom hux validu minħabba li sar fuq ajruplan bil-Papa jwieġeb li ovvjament li dan huwa validu. Id-dokument taż-żwieġ inkiteb bl-idejn bil-koppja kompliet tiċċelebra mal-familja tagħhom din l-għaqda dejjiema mal-familji tagħhom f’Santiago.

 

Aħbarijiet Oħra
Kurżitajiet

Ingliża kellha triplets minkejja li kienet qed tieħu pillola li suppost kellha tkun kontraċettiv.  Hannah Donaghue ta’ 29 sena minn Northampton bdiet tieħu dawn il-pilloli 8 snin ilu wara li…

Barranin

Kulħadd xortih fid-dinja u jidher li l-qattus ta’ Karl Lagerfeld għandu xorti tajba. Chiupette għandu ċans li jiret mal-€172 miljun wara li sidu miet ilbieraħ fl-età ta’ 85 sena. Waqt…

Barranin

Jiftaħ uffiċjalment illum is-summit fil-Vatikan dwar il-prevenzjoni tal-abbużi sesswali fuq it-tfal, b’isqfijiet minn madwar 130 pajjiż. Din il-laqgħa għolja qed titqies bħala sforz ewlieni xprunat mill-Papa Frangisku biex tkun indirizzata…

Barranin

Shamima Begum, li ngħaqdet mal-grupp li jsejjaħ lilu nnifsu Stat Iżlamiku fis-Sirja meta kellha ħmistax-il sena, tilfet iċ-ċittadinanza tar-Renju Unit. L-avukat tal-familja Begum, qal li l-familja hija diżappuntata bid-deċiżjoni u…

Aktar