Reliġjon
Il-Papa jappella lill-politiċi biex iwaqqfu t-tellieqa għall-armi

Fl-akbar festa tal-Knisja Kattolika, il-Papa Franġisku appella lill-politiċi biex iwaqqfu t-tellieqa għall-armi u biex jilqgħu refuġjati li qed jaħarbu minn ambjenti ta’ ġuħ u ksur tad-drittijiet fundamentali tal-bniedem.

Fil-messaġġ Urbi et Orbi, il-Papa rreferra għall-kunflitti madwar id-dinja, talab biex jinstabu s-soluzzjonijiet ħalli tirrenja l-paċi u l-istabilita u appella biex il-bnedmin jibnu pontijiet u mhux ħitan.

Fil-messaġġ tal-Għid, fi ħsieb il-Papa Franġisku t-tbatija li għaddejjin minnha miljuni ta’ nies madwar id-dinja kawża ta’ gwerer u kunflitti. Appella lid-dinja ma ddawwarx wiċċha quddiem dawn il-kriżijiet.

Il-Papa rrefera għall-kunflitt fis-Sirja li ilu għaddej kważi 10 snin. Talab għal soluzzjoni politika ħalli jirrenjaw il-paċi u l-ġustizzja. Il-Kap tal-Knisja Kattolika qal li l-Qawmien ta’ Kristu jġiegħel lid-dinja tħares lejn il-Lvant Nofsani, li hu mifni b’tensjonijiet kbar li ħolqu fazzjonijiet differenti. Fl-istess ħin ħeġġeg lill-Insara biex jipperseveraw u jkunu ta’ dawl għall-oħrajn. Fuq l-istess nota, il-Papa tkellem dwar il-kunflitt fil-Libja u ħeġġeġ lill-fazzjonijiet jersqu lejn il-mejda tad-djalogu u jwarrbu l-aggressjoni halli joholqu klima ta’ stabilità. Fi ħsieb il-Papa wkoll, ħafna tfal fil-Yemen li qed ibatu l-guħ minħabba l-gwerra.

Il-Papa Franġisku qal li l-kontinent Afrikan jinsab mifni bl-estremizmu specjalment fil-Burkina Faso, il-Mali, in-Niger, in-Nigerja u anke l-Kamerun. Għas-Sudan, talab li jinstemgħu l-ilħna kollha, ħalli tinstab soluzzjoni u tinħoloq sistema li tippromovi l-libertà u l-iżvilupp.

Aħbarijiet Oħra
Barranin

Għalkemm il-qamar mhux sors dirett ta’ dawl għaliex jirrifletti d-dawl tax-xemx, il-qamar kwinta fil-15 ta’ Awwissu, dawwal il-kastell famuż Grieg Koroni. Kif tela, l-qamar mhux biss xegħel il-baħar ta’ taħtu…

Barranin

Il-kunsill militari tas-Sudan u l-alleanza ċivili fl-Oppożizzjoni ffirmaw ftehim li bih se jinqasam il-poter. Il-ftehim se jara t-twaqqif ta’ kunsill ġdid biex jigverna li jkun jinkludi kemm membri pajzana u…

Barranin

Il-pulizija f’Hong Kong niżlet fit-toroq ewlenin tad-distrett Mong Kok biex iżomm lid-dimostranti li nġabru barra l-għassa tal-pulizija. Wara li skalat il-vjolenza fl-aħħar jiem, id-dimostrazzjonijiet ta’ tmiem din il-ġimgħa huma kruċjali…

Immigrazzjoni

Il-fundatur u direttur tal-vapur tal-għaqda mhux governattiva Spanjola Open Arms li jinsab wieqaf ‘il barra mill-kosta tal-Italja qal li ma jistax jigarantixxi aktar is-sigurtà tal-134 immigrant abbord wara li l-vapur…

Aktar