Vatikan
Il-Papa jlaqqa’ lill-kapijiet tal-Knejjes u komunitajiet Kristjani preżenti fil-Lvant Nofsani

L-għajta għall-paċi fil-Lvant Nofsani llum twasslet b’vuċi waħda f’mument li għaqqad flimkien lill-Papa Franġisku mal-Patrijarki tal-Knejjes Ortodossi. Il-laqgħa deskritta bħala storika saret f’Bari, il-belt kunsidrata bħala bieb għall-orjent.

Il-Papa Franġisku laqqa’ fil-belt ta’ Bari, fin-nofsinhar tal-Italja, lill-kapijiet tal-Knejjes u komunitajiet Kristjani preżenti fil-Lvant Nofsani. Il-laqgħa saret f’Bari, billi fil-belt jinżammu r-relikwi ta’ San Nikola, meqjum minn komunitajiet kristjani kemm tal-lvant u anke tal-punent.

Il-Papa qal li l-gwerra, il-vjolenza, ċirkustanzi ta’ okkupazzjoni u forom ta’ fundamentaliżmu wasslu biex ir-reġjun tal-Lvant Nofsani sar art ta’ nies li lesti jħallu l-arthom warajhom, bil-periklu li l-preżenza tal-kristjani tisparixxi. Wera l-fehma li Lvant Nofsani mingħajr Kristjani ma jkunx il-Lvant Nofsani.

“War, violence and destruction, instances of occupation and varieties of fundamentalism, forced migrations and neglect. All this has taken place with the silence and complicity of many. The Middle East has become a land of people who leave their own lands behind. There is also the danger that the presence of our brothers and sisters in the faith will disappear, disfiguring the very face of the region. For a Middle East without Christians would not be the Middle East” stqarr il-Papa Franġisku.

Il-Papa qal li l-indifferenza toqtol u esprima x-xewqa tal-mexxejja ta’ diversi komunitajiet Kristjani biex juru l-oppożizzjoni tagħhom għaliha. Qal li jridu jagħtu vuċi lil dawk li m’għandhomx, lil dawk li jistgħu biss jixxuttaw id-dmugħ tagħhom. Wera l-fehma li dan ir-reġjun illum qed jibki u jsofri fis-silenzju waqt li hemm min qed ifittex il-poter u li jistagħna minn fuq dawn l-artijiet.

F’ġest li juri ugwaljanza, il-Papa u l-mexxejja l-oħra ttieħdu flimkien biex jitolbu għall-paċi permezz ta’ xarabank bis-saqaf miftuħ. It-talb ingħad b’sitt lingwi.

Aħbarijiet Oħra
Barranin

Żagħżugħ li jaħdem f’pompa tal-petrol f’Milan qed ikun meqjus eroj wara li salva tifel ta’ 5 snin li waqa’ minn gallarija fit-tieni sular. Angel Micael Vargas Fernandez, li huwa mill-Arġentina…

Barranin

F’Illinois, insatbu eluf ta’ fdalijiet ta’ feti fir-residenza privata ta’ Dr Ulrich Klopfer. Is-sejba saret mill-qraba huma u jiżbarazzaw l-affarijiet ta’ Dr Klopfer li miet fit-3 ta’ Settembru. It-tabib kien…

Barranin

Fil-Messiku, l-esperti tal-forensika rnexxielhom jidentifikaw 44 persuna midfuna f’bir fl-istat ta’ Jalisco. Il-fdalijiet tal-persuni nstabu mqassmin f’119-il borża sewda, bil-maġġoranza tal-iġsma ġew imqatta’ biċċiet. Biex ġew identifikati l-vittmi, l-esperti forensiċi…

Barranin

Il-President Amerikan, Donald Trump fi stqarrija qal li iben Bin Laden, li kien il-mexxej tal-al-Qa’ida, inqatel f’operazzjoni kontra t-terroriżmu fl-Afghanistan/Pakistan. It-telfa ta’ Hamza bin Laden se xxekkel lill-grupp al-Qa’ida milli…

Aktar