Unjoni Ewropea
Il-Parlament Ewropew b’vot favur liġi li nnegozjat għaliha Roberta Metsola

Il-liġi li tipproteġi l-fruntieri esterni tal-Unjoni Ewropea, li tmexxiet ‘il quddiem u ġiet innegozjata mill-Membru tal-Parlament Ewropew Roberta Metsola, issa tista’ tibda tiġi implimentata wara li ngħatat approvazzjoni finali u b’saħħitha mill-Parlament Ewropew.

In-negozjati fuq din il-liġi saru fi żmien rekord ta’ sitt xhur. Il-liġi l-ġdida se tfisser żieda ta’ 10,000 gwardji tal-kosta u l-fruntieri Ewropej li se jassistu Stati Membri fuq numru ta’ affarijiet, b’mod speċjali fi żminijiet ta’ kriżi ta’ immigrazzjoni, biex jiġġieldu l-kriminalità bejn il-fruntieri, kif ukoll biex jissaħħaħ u jsir aktar effiċjenti l-proċess biex persuni mingħajr id-dritt li jkunu fl-Unjoni Ewropea jintbagħtu lura, flimkien ma’ salvagwardji ġodda Ewropej. Il-Gvernijiet, inkluż dak ta’ Malta, diġà kienu approvaw il-ftehim preliminari x-xahar li għadda.

Waqt konferenza tal-aħbarijiet indirizzata mal-MEP Roberta Metsola, il-Kummissarju Ewropew għall-Immigrazzjoni u l-Intern Dimitris Avramopoulos irringrazzja lill-MEP Metsola għall-ħidma tagħha fuq din il-liġi importanti.

Din il-liġi se tittrasforma l-mod kif l-aġenzija tal-Unjoni Ewropea tindirizza l-fenomenu tal-immigrazzjoni, billi tassigura 10,000 gwardjan tal-fruntiera ġdid, ssaħħaħ il-ġlieda kontra l-kriminalità, tipproteġi d-drittijiet fundamentali u tgħin fil-proċess biex dawk li ma jkunux eliġibbli għall-protezzjoni jintbagħtu lura b’mod sigur.

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar