Unjoni Ewropea
Il-Parlament Ewropew jivvota favur riżoluzzjoni dwar is-saltna tad-dritt f’Malta u fl-Islovakkja

Ir-riżoluzzjoni dwar is-saltna tad-dritt b’numru ta’ rakkomandazzjonijiet lill-Gvernijiet ta’ Malta u l-Islovakkja ġiet approvata mill-Parlament Ewropew b’398 vot favur, 85 vot kontra u 69 astensjoni. Id-delegazzjonijiet Maltin fil-Parlament Ewropew kienu maqsuma fuq dal-vot.

It-tliet membri Ewroparlamentari Nazzjonalisti Roberta Metsola, David Casa u Francis Zammit Dimech qalu li l-vot wassal messaġġ lill-Gvern Malti biex jagħmel numru ta’ bidliet importanti f’dak li għandu x’jaqsam mas-saltna tad-dritt u l-protezzjoni tal-ġurnalisti kif ukoll każi ta’ korruzzjoni u ħasil tal-flus li jimplikaw nies fl-ogħla livelli fil-gvern.

Ir-rizoluzzjoni titlob ukoll għal inkjesta pubblika dwar il-qtil ta’ Daphne Caruana Galizia u tħeġġeġ ukoll biex jitwettqu r-rakkomandazzjonijiet tal-Kummissjoni Venezja. Titlob ukoll il-pubblikazzjoni tal-inkesta Egrant u investigazzjoni dwar il-Panama Papers u l-kumpanija 17 Black. L-Ewroparlamentari Nazzjonalisti qalu li dir-riżoluzzjoni tipproteġi l-valuri Maltin u l-valuri Ewropej li huma se jkomplu jiddefendu.

L-Ewroparlamentari Afred Sant qal li dawk li mexxew din ir-riżoluzzjoni tellfu lill-Parlament Ewropew kull kredibilità meta jersaq biex jingħata xi rwol serju fil-konferma tal-istat tad-dritt fl-Unjoni Ewropea jew barra minnha. “Żied jgħid li f’din ir-riżoluzzjoni, il-Parlament Ewropew għamilha ta’ prosekutur, ġurija u mħallef u sostna li r-riżoluzzjoni hija nieqsa mil-aktar elementi bażiċi tal-ġustizzja.

L-Ewroparlamentari Miriam Dalli qalet li l-mod kif ivvutaw l-Ewroparlamentari Nazzjonalisti hija konferma oħra tal-iskop partiġjan ta’ din ir-riżoluzzjoni.

Il-Membru Parlamentari Laburista Marlene Mizzi qalet li b’dan il-vot il-membri Parlamenti Ewropej qed jimxu bi standards doppji u b’hekk il-Parlament Ewropew innifsu mhux iħaddem il-valuri tal-ġustizzja u l-oġġettività.

 

Aħbarijiet Oħra
Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Brexit

Wara dibattitu f’sessjoni straordinarja fil-House of Commons, il-membri parlamentari ivvutaw favur mozzjoni li tobbliga lill-Prim Ministru biex jitlob estensjoni mill-Unjoni Ewropea għal Brexit. Dan sakemm il-ftehim għall-ħruġ mill-Unjoni Ewropea jiġi…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar