Lokali
Il-Parlament ifakkar il-100 sena anniversarju tas-Sette Giugno

Fil-Parlament ta’ Malta, se tintwera il-wirja “CULHAT AL BELT” li tfakkar il-ġrajja nazzjonali tas-Sette Giugno 1919.

Imtella’ minn kollaborazzjoni bejn il-Parlament ta’ Malta, il-Fondazzjoni Ċelebrazzjonijiet Nazzjonali u Heritage Malta, din il-wirja se tintwera fis-6:30pm tal-lejla fil-binja tal-Parlament.

Din se tkompli b’tifkira nazzjonali quddiem il-monument tas-Sette Giugno, għada fis-6 ta’ Ġunju fis-7.00pm f’Misraħ San Ġorġ, il-Belt Valletta.

Fil-festa l-propja, fis-7 ta’ Ġunju, se ssir quddiesa għas-suffraġju ta’ Wenzu Dyer, Carmelo Abela, Manuel Attard u Ġużè Bajada, l-erbgħa Maltin li nqatlu minn suldati Ingliżi waqt ir-rivelli tas-Sette Giugno. Il-Quddiesa se ssir fl-10:00 fil-Kappella taċ-Ċimiterju ta’ Marija Addolorata, f’Raħal Ġdid.

Fi Triq ir-Repubblika, se jsir ukoll programm ta’ marċi fl-10:00 mis-Soċjetà Mużikali King’s Own Band tal-Belt Valletta.

Il-wirja se tixxandar dirett fis-6.30pm fuq https://tvm.com.mt/mt
________________

ARA WKOLL: Id-dokumentarju dwar is-Sette Giugno, fuq TVMi.
https://www.tvm.com.mt/mt/tvmi/programmes/culhat-al-belt/

Aħbarijiet Oħra
Edukazzjoni

Fix-xhur tas-sajf, meta ħafna mill-iskejjel ikunu baħħ, il-Ministeru tal-Edukazzjoni ħa l-okkażjoni jwettaq xogħlijiet ta’ manutenzjoni u tisbiħ u faċilitajiet ġodda fi kważi 100 skola tal-Gvern madwar Malta u Għawdex. Ħafna…

Kultura

Għaddej ir-restawr tal-eqdem binja fil-Mellieħa . . . kumpless ta’ tmintax-il kamra li kienu nbnew biex joffru spazju għal ftit ħin ta’ mistrieħ lill-pellegrini li jżuru s-santwarju tal-Madonna tal-Mellieħa. Il-qagħda…

Kostruzzjoni

L-Assoċjazzjoni tal-Iżviluppaturi (MDA) tikkundanna r-rimi illegali ta’ skart tal-kostruzzjoni f’postijiet pubbliċi. Dan l-assoċjazzjoni qalitu fi stqarrija wara t-tħassib li wera l-pubbliku fuq il-media soċjali, f’dak li għandu x’jaqsam mar-rimi ta’…

Lokali

Il-Prim Ministru Joseph Muscat qal li l-Gvern ma jistax jindaħal biex iwaqqaf kawżi ċivili li jkunu nfetħu minn ċittadini privati jew minn terzi kontra ġurnalisti li jkunu ġew nieqsa u…

Aktar