Barranin
Il-Parlament Ingliż sospiż għal 5 ġimgħat fuq ordni ta’ Boris Johnson

Fl-eqqel ta’ kriżi parlamentari dwar Brexit, il-Parlament Ingliż se jkun sospiż għal 5 ġimgħat fuq ordni tal-Prim Ministru Boris Johnson. Deputati mill-Oppożizzjoni sostnew li mhux se jappoġġaw il-mozzjoni favur elezzjoni ġenerali fil-15 ta’ Ottubru, sakemm tidħol fis-seħħ il-liġi li timblokka Brexit milli jsir mingħajr ftehim.

Johnson qed isostni li r-Renju Unit joħroġ mill-Unjoni Ewropea fil-31 ta’ Ottubru . . . irrelevanti jekk jkunx hemm ftehim ma’ Brussel jew le. Il-liġi proposta mill-Oppożizzjoni, u li ġiet approvata mil-Parlament Ingliż, trid li torbot idejn il-Prim Ministru.

Din il-liġi kienet deskritta mill-Gvern bħala liġi tal-ħabba gozz. Johnson ġie imwissi li jista’ jiffaċċja azzjonijiet legali jekk jiskarta din il-liġi.

Il-Membru Parlamentari tal-Partit Laburista, Hilary Benn qalet “We’re dealing with a Prime Minister here who is going around the country saying “well I may not do what the law requires”, now … there’s only one other way of squaring that circle, and that would be for the Prime Minister to resign.”

Johnson qal li jkun falliment tal-istat jekk ma tgħaddix tiegħu u jibqa’ ma jintlaħaqx ftehim mal-Unjoni Ewropea fis-summit tat-18 ta’ Ottubru.

”That outcome would be a failure of statecraft for which we would all be responsible.”

F’laqgħa mal-Prim Ministru tal-Irlanda, Johnson stqarr iżda li jinsab fiduċjuż li se jintlaħaq qbil.

”I do believe that a deal can be done by October the 18th, so let’s do it together. Thank you very much.”

Il-kwistjoni tal-fruntiera tar-Renju Unit mar-Repubblika Irlandiża wara Brexit, hija waħda mill-kwistjonijiet ewlenin u kontroversjali li għad hemm bejn il-Gvern Ingliż u Brussell.

Sadattant, l-Ispeaker tal-House of Commons, John Bercow, ħabbar li se jirreżenja meta tissejjaħ elezzjoni ġenerali jew l-aktar tard fl-aħħar ta’ Ottubru. Bercow qal li wara 10 snin fil-kariga, wasal iż-żmien li jwarrab. Hu qal li jħossu onorat u privleġġat li serva f’din il-kariga.

”I could not do so without the support of a small but superb team in Speaker’s House, the wider House staff, my Buckingham constituents, and above all my wife, Sally, and our three children, Oliver, Freddie and Jemima.”

Bercow, li hu ex-membru tal-Partit Konservattiv, ilu f’din il-kariga mill-2009. Fl-aħħar snin, Bercow iffaċċja kritika mill-persuni favur Brexit li bdew jiddubitaw l-imparzjalità tiegħu.

Aħbarijiet Oħra
Barranin

Il-Costa Rica saret l-ewwel pajjiż fl-Amerka Ċentrali li fih huwa permess żwieġ bejn persuni tal-istess sess. L-ewwel żwieġ ta’ din ix-xorta xxandar fuq l-istazzjon nazzjonali, ftit minuti biss wara li…

Barranin

L-FBI se tinvestiga l-qtil ta’ raġel iswed fl-istat Amerikan ta’ Minnesota wara li ħareġ filmat juri pulizija għarkubtejh fuq għonq ir-raġel. Fil-filmat ta’ 10 minuti, ir-raġel li x’aktarx għandu fuq…

Ambjent

Filmat miġbud minn għaqda ambjentali fi Franza juri qiegħ il-baħar mimli maskri u ngwanti tal-plastik. Dan it-tagħmir protettiv marbut mal-Covid-19 kien fost għadd sostanzjali ta’ plastik u skart ieħor li…

Barranin

Fuq l-għatba tal-istaġun tas-sajf, diversi pajjiżi taż-żona Schengen qed jikkunsidraw bis-serjetà li jiftħu mill-ġdid il-fruntieri għat-turisti. Spanja ħabbret li mill-1 ta’ Lulju se tneħħi l-kwarantina ta’ ġimagħtejn għall-persuni li jżuru…

Aktar