Parlament
Il-Parlament jiddiskuti l-Programm taċ-Ċittadinanza

Il-Programm taċ-Ċittadinanza wara dak irrappurtat fuq l-istazzjon Franċiż, tqajjem ukoll fil-Parlament wara mistoqsijiet tal-Kap tal-Oppożizzjoni Adrian Delia u d-Deputat Beppe Fenech Adami li staqsew fost oħrajn jekk il-Gvern ikkunsidrax l-appell tal-Oppożizzjoni biex jissospendi l-bejgħ tal-passaporti li qalu tat reputazzjoni ħażina lil Malta.

Il-Ministru tal-Ġustizzja Owen Bonnici sostna li Malta m’għandhiex skema li tbigħ iċ-ċittadinanza minħabba li l-applikanti jgħaddu minn skrutinju strett. Fakkar li l-Kummissjoni Ewropea evalwat il-programm Malti u anke ġie approvat minnha.

Huwa qal li s-serjetà tal-programm dehret mill-ewwel meta ġew sospiżi minnufih il-liċenzja tal-uffiċċju legali li ġie implikat bl-allegazzjonijiet tal-istazzjon Franċiż. Dr Bonnici appella biex jitħallew isiru bir-reqqa l-investigazzjonijiet mir-regolatur u mill-kamra tal-avukat. Il-Ministru Bonnici qal li l-Oppożizzjoni għalkemm kienet kontra dal-programm mill-bidu tiegħu, jidher li bidlet fehmitha għaliex fl-aħħar programm elettorali tagħha ma qalitx li ser tneħħih.

Aħbarijiet Oħra
Settur Marittimu

Il-kumpanija Valletta Cruise Port li tmexxi t-terminal tal-passiġġieri tal-cruise-liners u faċilitajiet oħra fil-Port il-Kbir qed tieħu miżuri favur l-ambjent biex tikseb ċertifikazzjoni ta’ port ekoloġiku. Intervistat minn TVM, il-Kap Eżekuttiv…

Knisja Maltija

L-Arċisqof Charles J. Scicluna appella għar-rispett lejn id-dinjità tal-mara waqt quddiesa li fiha talab biex terġa’ tinfetaħ il-kawża għall-beatifikazzjoni ta’ Adelaide Cini, li qal l-eżempju ta’ ħajjitha u l-ħidma li…

Qorti

Il-Qorti Kostituzzjonali laqgħet ir-rikors tal-Ministri Edward Scicluna, Konrad Mizzi u Chris Cardona biex ma jixhdux f’kawża kostituzzjonali iżda fi żmien jumejn iridu jippreżentaw s-silta minn fejn ikkwotaw ir-rapport tal-inkjesta Egrant…

Budget

Il-Ministru għall-Finanzi, Edward Scicluna qal li l-Budget ippreżentat ilbieraħ u r-reazzjoni ġenerali għalih huma turija li l-Gvern hu konxju tal-isfidi, l-opportunitajiet u l-ħtiġijiet tan-nies. F’konferenza tal-aħbarijiet l-għada tal-Budget, il-Ministru Scicluna…

Aktar