Politika
Il-Partit Nazzjonalista jgħid li mhux se jippermetti li l-biedja tfalli

Il-Partit Nazzjonalista qal li mhux se jippermetti li l-biedja tfalli u se jaħdem bis-sħiħ biex isaħħaħ dan is-settur.

Dan qalu il-Kap tal-PN Adrian Delia, waqt attività politika għar-residenti tas-seba’ distrett elettorali. Għalhekk, il-PN ħareġ bi proposti konkreti li jissalvagwardjaw dan is-settur li jgħin lil Malta tkun indipendenti u tassigura sigurtà f’dak li għandu x’jaqsam mal-ikel.

Il-PN wera t-tħassib tiegħu bl-statistika li turi li l-biedja f’Malta naqset bi kważi 4% filwaqt li l-ispejjeż żdiedu b’6% mentri 70% ta’ dak li nieklu; ħxejjex, frott u laħam, huwa impurtat.

Għalhekk, il-PN ħareġ bil-proposti li l-bdiewa u r-raħħala jiġu pprovduti bl-għodda biex jaħdmu u jikkompetu aħjar, b’assistenza teknika fuq il-marketing tal-prodotti.

Qal ukoll li għandna nisfruttaw u nibbenefikaw mill-għodod tal-Unjoni Ewropea filwaqt li jintużaw dawk il-mezzi Ewropej għall-promozzjoni tal-prodott Malti anke barra minn Malta.

Dr Delia semma kif il-bidwi Malti ma għandux jiġi penalizzat bi spejjeż akbar.

Il-Kap tal-Partit Nazzjonalista qal ukoll li l-PN se jibqa’ l-vuċi tal-bdiewa, is-sajjieda u r-raħħala.

Aħbarijiet Oħra
Kronaka

L-Erbgħa filgħodu, fl-iskola sekondarja tar-Rabat Għawdex, tliet studenti subien kellhom jittieħdu l-isptar minħabba li belgħu xi pilloli tal-irqad. Qal dan fi stqarrija l-Ministeru għall-Edukazzjoni, fejn qal li kienu l-istudenti stess…

Ekonomija u Finanzi

Il-Kamra tal-Kummerċ, l-Industrija u l-Intrapriża proponiet numru ta’ miżuri kif fil-fehma tagħha l-ekonomija Maltija tista’ tkompli tikber b’mod sostenibbli b’rispett lejn l-ambjent u l-kwalità tal-ħajja. Ir-rakkomandazzjonijiet inġabru f’dokument li joffri…

Mużika

Songcraft, proġett li jifforma parti mill-programm ta’ Spazju Kreattiv b’kollaborazzjoni ma’ Aġenżija Żgħażagħ reġa’ lura wara l-proġett pilota fl-2019 fejn ta opportunità lil kantawturi promettenti ta’ bejn is-16 u l-20 sena. Il-kantawturi magħżula…

Qorti

Issoktat l-inkjesta pubblika fil-qtil tas-Sinjura Daphne Caruana Galizia li qed tistħarreġ jekk il-Gvern setgħax jieħu miżuri biex jevita dan il-qtil. Fis-seduta tal-lum mistenni jixhed Neville Gafa. L-ewwel biex jitla’ fuq…

Aktar