Politika
AĠĠORNAT: Il-grupp Parlamentari tal-PN jiddiskuti l-iżviluppi fil-każ ta’ Daphne Caruana Galizia

Il-Kap tal-Oppożizzjoni u tal-Partit Nazzjonalista, Adrian Delia, illum laqqa’ l-Grupp Parlamentari tal-PN b’urġenza biex jiddiskuti l-iżviluppi dwar il-qtil ta’ Daphne Caruana Galizia u l-arrest ta’ Yorgen Fenech.

Fi stqarrija l-Partit Nazzjonalista qal li din il-laqgħa saret hekk kif Adrian Delia rritorna Malta wara li qata’ ħesrem il-parteċipazzjoni tiegħu fil-Kungress tal-Partit Popolari Ewropew (PPE) fil-Kroazja.

Dr Delia qal li dan huwa mument delikat ħafna u jeħtieġ prudenza biex il-ġustizzja titħalla tieħu l-kors tagħha. Dr Delia qal li iżda hemm ukoll responsabbiltà politika li trid tinġarr, u għalhekk l-Prim Ministru Joseph Muscat għandu jieqaf ikaxkar saqajh u minnufih ikeċċi liċ-Chief of Staff Keith Schembri u l-Ministru Konrad Mizzi, li qal kellhom rabtiet mal-kumpanija 17 Black ta’ Yorgen Fenech.

Il-Grupp Parlamentari qabel li l-ġlieda favur il-ġustizzja u kontra l-korruzjoni għandha tibqa’ ssir mingħajr ebda riservi, u ġie deċiż li l-Partit Nazzjonalista jipparteċipa fil-protesta li se ssir mis-soċjetà ċivili għada fil-Belt Valletta.

Sadanittant, intervistat illejla fuq NET TV, Dr Delia qal li l-Prim Ministru mhux qed jieħu d-deċiżjoni li hemm bżonn jieħu; li jkeċċi lil min qed jagħmel ħsara lir-reputazzjoni tal-pajjiż, u għalhekk qal li huwa kompliċi magħhom.

Huwa tenna li b’dan li qed iseħħ il-Gvern huwa illeġitimu, iżda fl-istess waqt qal li dan ma jfissirx li r-rieda tal-poplu b’maġġoranza f’elezzjoni għandha tinqaleb.

Aħbarijiet Oħra
Knisja Maltija

Sittax-il persuna minn oqsma differenti tas-soċjetà f’Għawdex temmew l-ewwel kors dwar il-ħarsien tal-minuri akkreditat mill-Kummissjoni Nazzjonali għall-Edukazzjoni Ogħla. Il-kors ingħata mill-Istitut għall-Ministeru Pastorali – li twaqqaf apposta biex jagħti formazzjoni…

Kronaka

Mara ta’ 57 sena li toqgħod is-Swieqi weġġgħet gravi wara li ġiet milquta minn vettura fis-Swieqi. Il-Pulizija qalet lu l-inċidident fi Triq il-Ħemel seħħ għall-ħabta tal-4.30pm. Il-Pulizija tad-Distrett marru fuq…

Qorti

Kleaven Agius ta’ 24 minn Ħaż-Żabbar, li s-Sibt li għadda ġie arrestat waqt rejd tad-droga f’Birżebbuġa, wieġeb li mhux ħati li kien fil-pussess ta’ ammont konsiderevoli ta’ droga f’ċirkostanzi li…

Parlament

Il-Kamra tad-Deputati qed tiddiskuti fit-tieni qari abbozz ta’ liġi dwar iċ-ċittadinanza li qed twettaq riforma dwar l-iskemi ta’ residenza u l-għoti taċ-ċittadinanza Maltija. Is-Segretarju Parlamentari responsabbli miċ-ċittadinanza u l-komunitajiet Alex…

Aktar