Lokali
Il-Partit Soċjalista Ewropew ixxukkjat bil-falsifikazzjoni tad-dokumenti dwar Egrant

Il-Partit Soċjalista Ewropew (PES) laqa’ l-konklużjonijiet tal-inkjesta maġisterjali li saret dwar Egrant.  Fi stqarrija ntqal li mill-inkjesta sar magħruf li l-Prim Ministru Joseph Muscat u l-familja tiegħu qatt ma kellhom rabta ma’ ħasil ta’ flus jew korruzzjoni.

Fi stqarrija maħruġa mill-PES intqal li huwa nkwetanti u xxokkjati li l-esperti forensiċi barranin sabu li d-dokumenti ppreżentati li allegatament urew dawn ir-rabtiet kienu ffalsifikati b’firem foloz.

Il-President tal-PES Sergei Stanishev qal li dan huwa l-mod kif jiġu ndirizzati akkużi ta’ din ix-xorta bi proċess miftuħ u trasparenti b’rispett lejn is-saltna tad-dritt.  Żied jgħid li huwa kburi li l-Prim Ministru Malti nħeles mill-akkużi li saru fil-konfront tiegħu.  Stanishev qal li issa li ħareġ li huwa innoċenti, il-Gvern tiegħu jista’ jkompli jaħdem u jwettaq ir-riformi għall-benefiċċju tal-poplu Malti.

Fl-istqarrija il-PES qal li jinsab inkwetat li l-Partit Nazzjonalista li jifforma parti mill-Partit Popolari Ewropew rikeb fuq allegazzjonijiet foloz u pprova jmexxi l-pajjiż f’inkwiet politiku.

Il-PES stqarr li jemmen li l-partiti politiċi għandhom jiksbu l-fiduċja tal-votanti billi jipproponu miżuri konkreti li jtejbu l-ħajja taċ-ċittadini, iktar milli jibbażaw ruħhom fuq provi foloz.

Ara wkoll:

Juncker mhux sorpriż bl-eżitu tal-inkjesta dwar Egrant – ħerqan li jkompli jaħdem mal-PM Muscat

Aħbarijiet Oħra
Qorti

Filmat imxandar minn TVM kien strumentali biex tliet ‘bouncers’ instabu ħatja li weġġgħu gravi lil żewġt irġiel f’Paceville. Fil-ftuħ tas-sentenza l-Maġistrat Joseph Mifsud iddikjara li l-każ kien wasal quddiem il-Qorti wara…

Qorti

Mill-investigazzjoni nstab li Lorin Scicluna kellu erba’ armi tan-nar reġistrati f’ismu fosthom waħda tad-9 millimetri. Qabel ħadu lil Lorin id-Depot, il-Pulizija marru sad-dar tiegħu u minn taħt is-sodda ġew elevati…

Qorti

Fil-Qorti nstemgħet ix-xhieda tal-Ispettur Keith Arnaud li qal li għall-ħabta tal-23:10 seħħet sparatura fi Triq tal-Ġebel li fiha kien hemm persuna maqtula u tnejn oħra midruba. L-Ispettur Arnaud qal li…

Qorti

Fil-Qorti, bdiet tinstema’ l-kumpilazzjoni tax-xhieda kontra ż-żewġ suldati akkużati bil-qtil fis-6 ta’ April li għadda ta’ Lassine Cisse Souleymane ta’ 42 sena mill-Kosta tal-Avorju. Lorin Scicluna ta’ 22 sena minn…

Aktar