Turiżmu
L-2019 sena tajba għall-industrija tal-cruiseliners – l-aħħar tliet xhur raw tnaqqis

L-aħħar tliet xhur tas-sena li għaddiet ma kienux mill-aħjar għall-industrija tal-cruise liners f’Malta għalkemm is-sena li għaddiet kienet waħda tajba.

Ċifri tal-Uffiċċju Nazzjonali tal-Istatistika juru li bejn Ottubru u Diċembru, il-passiġġieri li waslu Malta bil-vapur naqsu bit-12.7%. Dan ifisser li ġew Malta ftit aktar min 149,000 passiġġier, 24,000 anqas meta mqabbel mal-istess perjodu tal-2018.

Mill-banda l-oħra, bejn Jannar u Diċembru das-settur kellu żieda ta’ 21% fil-passiġġieri meta mqabbel mas-sena ta’ qabel. L-2019 kienet l-aqwa sena fl-aħħar tliet snin għaliex matulha ġew kważi 766,000 passiġġier – 133,000 aktar mill-2018.

L-NSO qal li fl-2019 daħlu Malta 359 vapur tal-passiġġieri, 49 vapur aktar mis-sena ta’ qabel.

Il-profil tal-passiġġieri juri li l-maġġoranza tagħhom huma nisa u ħafna minnhom kellhom aktar minn sittin sena. L-industrija tal-cruiseliners iġġib Malta l-iżjed turisti mill-Ġermanja, l-Italja, Ingliżi u Franċiżi filwaqt li l-maġġoranza tal-passiġġieri li ma kienux mill-pajjiżi tal-Unjoni Ewropea kienu l-aktar Amerikani.

Aħbarijiet Oħra
Lokali

Il-kap tal-Partit Imperium Europa, Norman Lowell akkuża lill-gvernijiet laburisti u nazzjonalisti li abbużaw mill-poteri sabiex iħammġuh. Stqarr li huwa dejjem qal dak li ħaseb, u dejjem tkellem għall-ġid ta’ Malta…

Kronaka

Mara ta’ 80 sena residenti Ħal Qormi,weġġgħet gravi wara li ntlaqtet minn vettura. L-inċident seħħ għall-ħabta tat-8.30am fi Triq Pinto, Ħal Qormi. Il-Pulizija tad-Distrett marret minnufih fuq il-post, fejn minn…

COVID-19

Għal darb’oħra, fl-aħħar 24 siegħa ma ħareġ l-ebda każ ġdid ta’ Coronavirus f’Malta. Dan ġie kkonfermat mill-Ministeru għas-Saħħa fejn intqal ukoll li fl-aħħar 24 siegħa ma kienx hemm min fieq…

Kronaka

Bugħaddas ittieħed għall-kura l-Isptar Mater Dei wara li sab ruħu f’diffikultà f’Wied iż-Żurrieq. TVM tkellem mal-kelliem tal-Pulziija li kkonferma li għal xi 10:00am uffiċjali tal-AFM u CPD kienu fuq il-post…

Aktar