Għawdex
Il-PD jipproponi biex il-governanza f’Għawdex tkun awtonoma

Il-Partit Demokratiku ppreżenta l-viżjoni tiegħu għal Għawdex li qal fiha tliet pilastri, il-governanza, l-aspett soċjali u l-konnettività.

Dr Godfrey Farrugia qal li l-Partit ħejja strateġija ħalli l-governanza f’Għawdex tkun awtonoma u tkun tmexxija reġjonali għalkemm jibqa’ l-Ministeru ta’ Għawdex. Qal li l-viżjoni tara li ma tkomplix tonqos il-popolazzjoni u biex Għawdex ma jitlifx il-karatteristiċi ambjentali u kulturali tiegħu. L-istrateġija taħseb ukoll biex Kemmuna ssir Park Nazzjonali.

Dr Farrugia qal li għandu jkun hemm inċentivi fosthom fit-taxxi għall-familji Maltin li jmorru joqogħdu Għawdex u jibagħtu lil uliedhom skola hemmhekk. Spjega li hemm bżonn impenn serju għall-opportunitajiet tax-xogħol u Servizz tas-Saħħa li jipprovdu servizzi speċjalizzati taħt it-tmexxija tal-istat.

Dwar il-konnettività, il-Partit Demokratiku qal li għandu jkun hemm sistemi moderni u rapidi li ma joperawx biss miċ-Ċirkewwa iżda li jgħaqqdu lil Ghawdex ma’ San Pawl il-Baħar, Tas-Sliema, il-Belt u l-Kalkara. Dr Farrugia qal li l-Partit Demokratiku ma jaqbilx mal-mina kif proposta għax qal li għadhom ma sarux l-istudji fosthom dak ambjentali iżda jikkonsidra mina li titpoġġa f’qigħ il-baħar għax qal li din tkun toffri aktar vantaġġi kemm ambjentali u ta’ sigurtà.

Aħbarijiet Oħra
Lokali

Il-Ministru għall-familja, id-drittijiet tat-tfal u solidarjetà soċjali Michael Falzon qal li bħalissa hemm 278 tifel u tifla li huma taħt ordni ta’ ħarsien mill-Aġenzija Appoġġ. Fi tweġiba parlamentari lid-deputat nazzjonalista…

Lokali

Il-Ministru għall-familja, id-drittijiet tat-tfal u solidarjetà soċjali Michael Falzon qal li s-sena li għaddiet kien hemm disa’ każi ġodda ta’ traffikar uman. Fi tweġiba parlamentari għall-mistoqsija tad-deputat nazzjonalista Claudette Buttigieg, il-Ministru Falzon…

Politika

L-Istitut tal-Ġurnalisti Maltin ikkundanna attakki personali li saru lbieraħ u llum minn żewġ deputati tal-Partit Nazzjonalista fuq ġurnalist li għandu programm fuq l-istazzjon ONE. L-IĠM qal li minbarra diversi rapporti…

Aktar