Lokali
Il-PD prova jqanqal dubji fuq l-istudji tal-mina bejn il-gżejjer – il-Kamra tan-Negozju għal Għawdex

Il-Kamra tan-Negozju għal Għawdex qalet li l-Partit Demokratiku pprova jqanqal dubji fuq il-validità tal-istudju li kienet nediet fl-2015 flimkien ma’ Transport Malta dwar il-proġett ta’ konnettività bejn Għawdex u Malta.

Fi stqarrija, il-Kamra qalet li l-Partit Demokratiku pprova jitfa’ dell ikrah mingħajr ma ta raġuni valida.

Saħqet li l-istudju tal-Kamra tan-Negozju għal Għawdex kien imħejji minn esperti ewlenin fil-pajjiż, li bnew fuq il-kontributi ta’ esperti oħra barranin b’esperjenza twila fis-suġġett, u fuq studji mħejjija minn ditti kbar internazzjonali. Qalet li dan l-istudju kkunsidra numru ta’ għażliet għall-konnettività bejn il-gżejjer, u kkonkluda li l-mina toffri l-aħjar potenzjal ekonomiku flimkien ma’ sostennibiltà finanzjarja.

Il-Kamra tan-Negozju għal Għawdex kompliet tgħid li dan wassal biex il-Gvern jikkumissjona studji oħra dwar il-vijabilità teknika u l-impatti soċjali tal-proġett tal-mina.

Ħeġġet lill-partijiet kollha li qed jieħdu sehem fid-dibattitu dwar dan il-proġett importanti biex ikunu objettivi fil-kontributi tagħhom, u biex jagħmlu dan b’mod kostruttiv ibbażat fuq fatti minflok fuq biżgħat u dubji bla sustanza.

Ara wkoll:

Il-PD jipproponi biex il-governanza f’Għawdex tkun awtonoma

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar