Infrastruttura
Il-perjodu għall-konsultazzjoni pubblika dwar il-kostruzzjoni kien qasir wisq – il-PN

Fi tmiem il-perjodu ta’ konsultazzjoni pubblika, il-Partit Nazzjonalista qal fi stqarrija li dan kien perjodu qasir u mgħaġġel. Qal li jifhem l-urġenza tal-kwistjoni, iħoss li din kellha tingħata importanza ferm qabel. Il-Partit Nazzjonalista qal li japprezza li l-partijiet involuti għamlu l-almu tagħhom biex f’qasir żmien jagħtu r-reazzjoni tagħhom iżda żied jgħid li din il-kwistjoni titlob maturità akbar u attenzjoni iktar f’waqtha mill-Gvern biex l-emendi proposti jilħqu l-għan li joffru protezzjoni preventiva lill-terzi persuni.

Il-Partit Nazzjonalista qal li l-proposti u l-konsultazzjoni dwarhom messew aspett wieħed tal-liġijiet li jmiss mal-industrija tal-bini. Sejjaħ ukoll għad-definizzjonijiet tad-diversi rwoli identifikati fl-avviż legali propost. Ikkumenta wkoll il-problema tan-nuqqas ta’ infurzar li qal qed iwassal għal iktar abbuż. Sejjaħ ukoll għal Reġistru ta’ Kuntratturi li jkun jipprovdi l-informazzjoni neċessarja għall-klijenti.

Il-Kelliema Nazzjonalisti Marthese Portelli, Claudette Buttigiet u Toni Bezzina fl-istqarrija ħeġġew fost oħrajn biex l-industrija tal-kostruzzjoni timxi lejn taħriġ ta’ livell għoli u jsir reġistrar, liċenzjar u ċertifikazzjoni tal-persuni li jipprovdu servizzi fis-settur. Appellaw ukoll lill-Gvern biex b’mod immedjat jinvesti iktar fl-Awtorità għas-Saħħa u s-Sigurtà fuq il-Post tax-Xogħol u għat-tisħiħ tal-Building Regulations Office. Il-Partit Nazzjonalista għamel ukoll riflessonijiet fuq l-istħarriġ ġeoloġiku u dwar il-manager tas-siti u ħeġġeġ biex isiru korsijiet mill-isitituzzjoni edukattivi għal managers tas-sit.

Aħbarijiet Oħra
Avjazzjoni

F’dawn il-jumejn f’Malta qed titlaqqa’ l-konferenza internazzjonali tal-Avjazzjoni msejħa CAPA, li qed tiddiskuti l-isfidi li hemm fis-settur tal-avjazzjoni. Għal din il-konferenza qed jattendu madwar 100 delegat minn madwar id-dinja, fosthom…

Politika

Wara dak żvelat fil-Qorti dwar l-impjieg ta’ Melvin Theuma bħala messaġġier u xufier f’kumpanija tal-gvern, li minnu ħa tliet xhur paga mingħajr qatt ma mar għax-xogħol, il-pulizija fetħet investigazzjoni fuq…

Parlament

L-Ispeaker tal-Kamra tad-Deputati Anġlu Farrugia qal li Andrew Borg Cardona kien żvija lil uffiċjali tal-Parlament meta jumeujn ilu daħal ma’ grupp ta’ nies fil-gallarija tal-Kamra minflok mar fil-kamra tal-Oppożizzjoni. Dan…

Aktar