Lokali
Il-persuni b’diżabbiltà: effetti negattivi minn protezzjoni żejda

“Protect and Let Go” kienet it-tema ta’ konferenza fl-Università ta’ Malta li ddiskutiet il-protezzjoni żejda fil-ħajja ta’ persuni b’diżabbiltà. Il-konferenza kienet xprunata minn proġett ta’ riċerka li sar min Dr. Anne Marie Callus u Isabel Bonello li stħarrġu kif il-persuni li għandhom diżabbiltà huma affettwati negattivament minn protezzjoni żejda.

Mit-twelid, il-ġenituri istintivament jagħtu protezzjoni lil uliedhom u dan jiġri iktar spiss meta wliedhom ikollhom xi diżabbiltà. Madankollu riċerka li saret uriet li meta l-ġenituri jridu jagħmlu kollox huma għal uliedhom, possibbilment jostakolaw l-iżvilupp tat-tfal, anke dawk li għandhom diżabbiltà.

“Ikun hemm raġuni valida għaliex ikunu jridu jipproteġuhom lil uliedhom. Minħabba r-riskji li jkun hemm imma jkun hemm ġenituri li jaraw kif jagħmlu u l-problemi li jkun hemm jippruvaw jegħelbuhom u jkun hemm min sfortunatament jibqa’ jipproteġi u tiġi protezzjoni żejda u l-persuna ma tistax tiżviluppa.”

Il-kunsens mill-esperti fil-konferenza Protect and Let Go kien li jenħtieġ li jkun hemm bilanċ bejn l-istint għall-protezzjoni u l-aħjar ġid tal-persuni li għandhom diżabbiltà.

Il-Kummissarju għad-Drittijiet tal-Persuni b’Diżabbiltà, Oliver Scicluna, qal li dawn il-persuni filwaqt li għandhom bżonn l-għajnuna, għandhom bżonn l-ispazju u l-indipendenza għad-dinjità tagħhom stess.

“Inħossu li xi kultant ikun hemm protezzjoni żejda u sforz ta’ dan il-persuni b’diżabbiltà speċjalment il-persuni anki b’nuqqas intellettwali jispiċċaw ma jgawdux dak li jkunu jixtiequ jgawdu fil-ħajja tagħhom permezz ta’ deċiżjonijiet li jkunu jridu jagħmlu, xi kultant deċiżjonijet bażiċi u anki oħrajn li jkunu iżjed profondi ”

Isabelle Bonello li kienet koriċerkatriċi tal-proġett u li hija nnfisiha għandha diżabbiltà qalet li l-biża’ hija l-ikbar għadu għall-persuni b’diżabbiltà,

”Jiena kont nibża’ li nuża tal-linja waħdi…”

Il-President tal-Għaqda Nazzjonali tal-Ġenituri tal-Persuni b’Diżabbiltà, Marchita Mangiafico, qalet li bil-protezzjoni żejda l-persuni b’diżabbiltà ma jilħqux il-potenzjal tagħhom.

”Tkun protezzjoni żejda meta aħna ma nemmnux f’dak il-potenzjal li t-tfal tagħna jistgħu jkollhom, jistgħu jiksbu, protezzjoni żejda meta aħna bħala ġenituri nkunu mbeżżgħin li nħallu t-tfal tagħna jmorru hemm barra u jiffaċċjaw il-ħajja li hemm…”

Is-Segretarju Parlamentari Anthony Aguis Decelis qal li l-politika tal-gvern hija mnebbħa mill-bżonnijiet varji tal-persuni b’diżabbiltà bil-għan li jilħqu l-milja ta’ ħajjithom.

Il-Kelliema għall-Oppożizzjoni, Maria Deguara qalet li l-kollaborazzjonijiet mal-esperti u mar-riċerkaturi hija essenzjali biex titrawwem politika li toħloq kuxjenza dwar il-ħtiġijiet ta’ dawn il-persuni.

Aħbarijiet Oħra
Mużika

L-Orkestra Filarmonika ta’ Malta ħabbret sensiela ta’ kunċerti bit-tema Flimkien, fi djar u villaġġi għall-anzjani. Il-kunċerti li se jsiru kull nhar ta’ Ġimgħa filgħodu għandhom l-għan li jwasslu messaġġ pożittiv…

Sport

24 siegħa wara li l-Kunsill tal-MFA iddeċieda li jikkonferma lil Floriana FC bħala Champions tal-BOV Premier League 2019/20, l-eks President tal-MFA Norman Darmanin Demajo stqarr li “ħafna mid-deċiżjonijiet kienu inevitabbli”….

Qorti

Tewmin ta’ 40 sena ntbagħtu 92 xahar ħabs bejniethom wara li ammettew li serqu ħames anzjani f’Diċembru u Jannar li għadda. Il-każi seħħew fiż-Żejtun, Ħal Tarxien u Raħal Ġdid. F’Jannar…

Aktar