Unjoni Ewropea
Il-PM b’laqgħa mal-mexxejja tal-pajjiżi li 15-il sena ilu ssieħbu fl-UE

Il-Prim Ministru Joseph Muscat jinsab il-Polonja għal-laqgħa mal-Mexxejja Ewropej tal-10 pajjiżi li bħal-lum 15-il sena ssieħbu fl-Unjoni Ewropea.

Bit-tema ‘Flimkien għall-Ewropa, il-mexxejja tal-10 pajjiżi li huma r-Repubblika Ċeka, l-Estonja, l-Ungerija, il-Latvja, il-Litwanja, il-Polonja, is-Slovakkja, is-Slovenja, Ċipru u Malta, se jkunu qed jiddiskutu l-esperjenza ta’ dawn il-15-il sena, kif ukoll l-isfidi u l-opportunitajiet għaż-żmien li ġej.

F’kummenti lil TVM, il-Prim Ministru Muscat esprima ruħu sodisfatt bi sħubija u qal li fis-snin li ġejjin Malta se tkompli tkun l-aqwa fl-Ewropa.

Mal-wasla tiegħu, Dr Muscat ingħata merħba mill-Prim Ministru Pollakk Mateusz Morawiecki fil-Kastell Irjali f’Varsavja fejn qed issir din il-laqgħa ta’ ġurnata.

Fl-1 ta’ Mejju 2004 kien sar l-ikbar tkabbir ta’ pajjiżi fl-istorja tal-Unjoni Ewropea. Il-Polonja hija l-ikbar pajjiż membru fost l-10 stati ġodda u Malta l-iżgħar pajjiż fl-Unjoni Ewropea.

B’kollox kienu ssieħbu 7 pajjiżi mil-Lvant tal-Ewropa, 1 miċ-Ċentru u 2 mill-Mediterran, fosthom Malta.

Aħbarijiet Oħra
Politika

Il-Kumitat Eżekuttiv tal-Partit Nazzjonalista ddiskuta u qabel mal-proposta tal-Gvern li jiddaħħal mekkaniżmu korrettiv fil-Kostituzzjoni li jippermetti li jiżdied in-numru tal-membri parlamentari nisa sa massimu ta’ sitta fuq kull naħa tal-Kamra tad-Deputati….

Saħħa

Id-Direttur tal-Caritas, Anthony Gatt, qal li d-dibattitu dwar il-leġiżlazzjoni tal-kannabis għal skop rikreattiv mhux wieħed faċli u kollox għandu l-vantaġġi u l-iżvantaġġi tiegħu. F’konferenza tal-aħbarjiet ma’ rappreżentanti mal-Assoċjazzjoni tal-Psikjatrija, il-Fondazzjoi…

Saħħa

Fl-aġġornament ta’ kuljum dwar il-Coronavirus, is-Supretendent tas-Saħħa Pubblika, il-Professur Charmaine Gauci qalet li s’issa f’Malta saru swabs fuq 22 persuna li kellhom is-sintomi tal-virus iżda kollha rriżulataw li m’għandhomx il-Covid-19,…

L-għan ewlieni tal-fondi u l-programmi tal-Unjoni Ewropea hu li jgħinu jindirizzaw sfidi strutturali partikolari, ikattru t-tkabbir u jsaħħu l-kompetittività ta’ kull pajjiż membru. Fir-rapport ta’ evalwazzjoni tal-Kummissjoni Ewropea dwar ir-riformi…

Aktar