Unjoni Ewropea
AĠĠORNAT: Il-PM fi Brussell għall-għażla tal-mexxejja tal-istituzzjonijiet Ewropej

Mal-wasla tagħha għas-Summit Ewropew fi Brussell, il-Kanċillier tal-Ġermanja Angela Merkel tenniet l-appoġġ tagħha għall-proċess tal-ispitzenkandidat biex bih jintgħażel il-President li jmiss tal-Kummissjoni Ewropea.

Madanakollu sorsi fi Brussell qed jgħidu li kemm is-Soċjalisti kif ukoll il-Liberali mhux se jkunu qed jappoġġjaw il-kandidat tal-Popolari Manfred Weber. F’dan il-kuntest jinftiehem kumment ieħor ta’ Merkel li qalet li jista’ jkun li f’dan is-summit ma jkollniex deċiżjoni finali fuq il-karigi.

Min-naħa tiegħu, il-President Franċiż Emmanuel Macron mal-wasla tiegħu saħaq fuq l-importanza li d-deċiżjoni dwar min jimla l-karigi l-ewlenin tittieħed bi qbil u tkun rappreżentattiva tal-ispettru politiku kollu. Fl-isfond ta’ dawn in-negozjati diffiċli għaddejjin taħditiet bilatarali u bejn gruppi ta’ pajjiżi.

Il-Prim Ministru Malti Joseph Muscat wasal Brussell għas-summit aktar kmieni fil-ġurnata u diġà ħa sehem fil-laqgħa tal-mexxejja tal-Grupp tas-Soċjalisti Ewropej.

F’dan is-summit anqas diffiċli mistennija jsiru diskussjonijiet dwar l-Aġenda Strateġika tal-Unjoni Ewropea għall-ħames snin li ġejjin. Dan id-dokument jelenka l-prioritajiet li l-Gvernijiet Ewropej iridu lill-Unjoni Ewropea taħdem fuqhom.

Fost l-oħrajn id-dokument jitkellem dwar politika ta’ migrazzjoni u ġlieda lit-traffikar tal-bniedem, jitkellem dwar tkabbir ekonomiku u l-ħolqien ta’ aktar impjiegi, dwar azzjoni kontra t-tniġġiż u t-tibdil fil-klima, dwar Ewropa soċjali u ġusta, dwar il-protezzjoni u l-libertajiet taċ-ċittadini, kif ukoll dwar il-ħarsien tal-interessi Ewropej fuq livell internazzjonali.

Aħbarijiet Oħra
Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Brexit

Wara dibattitu f’sessjoni straordinarja fil-House of Commons, il-membri parlamentari ivvutaw favur mozzjoni li tobbliga lill-Prim Ministru biex jitlob estensjoni mill-Unjoni Ewropea għal Brexit. Dan sakemm il-ftehim għall-ħruġ mill-Unjoni Ewropea jiġi…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar