Unjoni Ewropea
Il-PM fir-Rumanija għal-laqgħa tal-mexxejja Ewropej dwar il-futur tal-UE

27 mexxej tal-Unjoni Ewropea, fosthom il-Prim Ministru Joseph Muscat, illum se jiltaqgħu f’Sibiu fir-Rumanija bil-għan li jiddiskutu l-aġenda strateġika tal-Unjoni Ewropea għall-ħames snin li ġejjin.

F’Jum l-Ewropa, il-mexxejja Ewropej mistennija jħejju għal unjoni aktar magħquda, aktar b’saħħitha u aktar demokratika f’dinja li kull ma jmur qed isir aktar inċerta.

Il-laqgħa informali mistennija tiffoka fuq il-prijoritajiet u l-isfidi li l-Unjoni mistennija taffaċċja sas-sena 2024.

Il-Kummissjoni Ewropea qed tirrakkomanda li għall-ħames snin li ġejjin l-Unjoni Ewropea tiffokka fuq Ewropa li tipproteġi, Ewropea kompetittiva, Ewropa ġusta, Ewropa sostenibbli u Ewropa influwenti.

Il-President tal-Kummissjoni Ewropea, Jean-Claude Juncker, l-ewwel darba li għamel referenza għal din il-laqgħa kien fid-diskors tiegħu dwar l-Istat tal-Unjoni, sentejn ilu.

Huwa qal li fl-aħħar ħames snin ħadem qatigħ biex il-Kummissjoni Ewropea twettaq dak li wegħdet liċ-ċittadini tal-Unjoni Ewropea. Qal li issa wasal iż-żmien li l-Unjoni Ewropea tħares ‘il quddiem.

Il-ħruġ tar-Renju Unit mill-Unjoni Ewropea mhux mistenni jkun fuq l-aġenda u l-Prim Ministru tar-Renju Unit Theresa May mhux se tkun preżenti.

F’ittra li l-President tal-Kunsill Ewropea Donald Tusk bagħat lill-mexxejja qal li l-mexxejja se jiddiskutu post l-Ewropa fid-dinja. Huwa ppropona li l-mexxejja jaddottaw dikjarazzjoni bil-għan li jibagħtu messaġġ ta’ għaqda u fiduċja fl-azzjonijiet tagħhom.

Aħbarijiet Oħra
Politika

Il-Kumitat Eżekuttiv tal-Partit Nazzjonalista ddiskuta u qabel mal-proposta tal-Gvern li jiddaħħal mekkaniżmu korrettiv fil-Kostituzzjoni li jippermetti li jiżdied in-numru tal-membri parlamentari nisa sa massimu ta’ sitta fuq kull naħa tal-Kamra tad-Deputati….

Saħħa

Id-Direttur tal-Caritas, Anthony Gatt, qal li d-dibattitu dwar il-leġiżlazzjoni tal-kannabis għal skop rikreattiv mhux wieħed faċli u kollox għandu l-vantaġġi u l-iżvantaġġi tiegħu. F’konferenza tal-aħbarjiet ma’ rappreżentanti mal-Assoċjazzjoni tal-Psikjatrija, il-Fondazzjoi…

Saħħa

Fl-aġġornament ta’ kuljum dwar il-Coronavirus, is-Supretendent tas-Saħħa Pubblika, il-Professur Charmaine Gauci qalet li s’issa f’Malta saru swabs fuq 22 persuna li kellhom is-sintomi tal-virus iżda kollha rriżulataw li m’għandhomx il-Covid-19,…

L-għan ewlieni tal-fondi u l-programmi tal-Unjoni Ewropea hu li jgħinu jindirizzaw sfidi strutturali partikolari, ikattru t-tkabbir u jsaħħu l-kompetittività ta’ kull pajjiż membru. Fir-rapport ta’ evalwazzjoni tal-Kummissjoni Ewropea dwar ir-riformi…

Aktar